NAPARTAK A PANAGGUNAY PARA ITI PANNAKAILEPPAS TI BALILI BRIDGE IDIAY PINES PARK, LA TRINIDAD, BENGUET, KIDKIDDAWEN DAGITI UMILI
LA TRINIDAD, Benguet
Kidkiddawen dagiti residente ti Pines Park, La Trinidad, Benguet ti napartak apannakaileppas ti maar-aramid a Balili Bridge. Sigun kadagiti residente, imposible a maileppas ti nasao a rangtay inton October 29, 2023, ti naituding a panakaileppasna, gapu iti makitkitada a sitwasyon daytoy
iti agdama. Sigun kadakuada, tallo wenno uppat a trabahador laeng ti makitkitada ken kurang dagiti equipment a maar-aramat iti nasao a proyekto malaksid iti maysa a backhoe.
Insingasing pay dagiti umili a nu mabalin ket nasapsapa nga agtrabaho dagiti trabahador tapno adda ti maileppasda sakbay nga agtudo. Innayonda pay nga adun a residente partikular dagiti
estudyante, senior citizen, commuters ken negosyante ti marigatan gapu ta kasapulanda pay nga aglikmot wenno agcommute. Apela met dagiti residente iti lokal a gobyerno a kitaen ken bantayanda ti maar-aramid a rangtay tapno mapapartak ti pannakaileppas daytoy.
Namnamaen met dagiti residente a maileppas ti pannakaaramid ti rangtay agingga inton Disyembre wenno iti ngudo iti agdama a tawen. Maipalagip a nangrugi ti kontruksyon ti nasao a rangtay idi Oktobre 11, 2022.
Jez Lapizar/Bombo Radyo-Baguio
PGLU CULTIVATES FUN FARMNG GUIDING TRAINING TO FARM OWNERS
October 7, 2023
