NASUROK 173K MANNALON TI ILOCOS REGION NAKAAWAT ITI TULONG A KUARTA

February 2, 2024 Headlines

REHIYON NG ILOCOS

Nasurok 74 porsiento dagiti benepisario iti Rice Farmer Financial Assistance (RFFA) ti Ilocos Region iti nakaawat iti PhP5,000 tulong a kuarta agingga Enero 30. Imbaga ni Department of Agriculture (DA) Ilocos Region information officer Vida Cacal iti maysa nga interbiu iti telepono idi Martes nga agarup 173,850 ti 234,865 a mannalon ti pagay,
malaksid dagiti panagpalistada ket naipataud idi 2023, ket naawatdan iti tulong a kuarta a nairangta a mangpalag-an iti epekto ti datdatlag nga El Niño ken dumakdakkel a gastos ti produksion.

Nangilatang iti DA iti PhP1.1 billion para iti unconditional financial assistance program para iti rehion, a pinondoan iti sobra a taripa iti sidong ti Rice Tariffication Law idi 2022. Imbaga ni Cacal a dagiti kualipikado a benepisario a
mannalon ti pagay ket dagiti agtaltalon iti saan a nasursurok ngem dua nga ektaria iti daga ken nakarehistro iti Registry System for the Basic Sectors in Agriculture. Iti dagup a bilang dagiti benepisario, 98,812 ket manipud Pangasinan; 39,495 manipud La Union; 46,705 manipud Ilocos Sur; ken 49,853 manipud Ilocos Norte.

“Panggep ti programa a tulongan dagiti mannalon a sanguen iti dumakdakkel a gastos ti produksion tapno mataginayon ti kinatalgedda,” kinunana. Imbaga ni Cacal nga agarup 42,917 baro a benepisario manipud iti rehion
ti makaawat met ti tulong a kuarta ita a tawen. Adda dagiti baro a benepisario manipud iti 2023 nga agtultuloy a panagrehistro ngem madama pay laeng ti pannakaiproseso ti pondo,” kunana pay.

Kabayatanna, imbaga ni Cacal a 30 mannalon, nga addaan iti dagup a 36 ektaria iti daga sadiay Barangay Evangelista, Tayug, Pangasinan, iti naipadamag ti dagup a pannakadadael ti mula a pagay gapu iti tikag. “Maibatay iti panangtingitingda, saanen a maisubli dayta,” kinunana. Nagkiddaw dagiti mannalon iti subsidyo iti bukel ti mais manipud DA tapno maabrut dagiti lugida, innayonna.

(HA-PNA Ilocos/PMCJr.-ABN)