NFA TAGINAYONENNA TI PANAGGATANG ITI PALAY KAS TULONG KADAGITI MANNALON NGA ILOKANO

March 31, 2023 Headlines

ILOCOS NORTE

Agtultuloy iti operasion a panaggatang iti palay ti National Food Authority (NFA) tapno matulongan dagiti mannalon nga Ilokano. Iti maysa nga interbiu kenni NFA Ilocos Norte Acting
Branch Manager Engr. Jonathan Corpuz, imbagana nga iti panggep iti operasion ket maaddaan iti umdas a stock iti palay a nagatang manipud kadagiti lokal a mannalon.

Inlawlawagna nga iti panaggatang iti palay ket maysa nga agtultuloy a programa tapno matulongan dagiti mannalon, kangrunaan iti panawen ti natikag a panagapit kadagiti bulan ti Setiembre ken
Disiembre. Iti panaggatang iti palay ti NFA ket tapno maipasigurado nga maaddan dagiti mannalon
iti nakasagana a merkado para kadagiti mulada nga maipasiguro kadakuada iti nainkalintegan a kita.

Direkta a gatgatangen ti NFA dagiti palay manipud kadagiti indibidual a mannalon ken dagiti organisasion dagiti mannalon wenno kooperatiba. Imbaga ni Corpuz nga dagiti mannalon a kayatda nga ilako dagiti palayda ket nasken nga awitenda dagiti Registry System for the Basic Sectors in Agriculture (RSBSA) stub para iti panangpaneknek. Innayonna nga addaan iti probinsia iti umdas a buffer stock iti palay.

“Addaantayo iti 40,277 bags iti palay ken 34,145 bags iti bagas a nakapempen kadagiti warehouse tayo idiay Ilocos Norte, Ilocos Sur, ken Abra,” kuna ni Corpuz. Mainayon pay, imbagana pay nga awan iti madama a panagangkat ti NFA; dagiti stock a palay ket manipud kadagiti probinsia ti Ilocos Norte, Ilocos Sur, and Abra. Kasta met, imbagana nga iti bagas nga NFA ket awan iti merkado, ngem adda nakasagana para kadagiti sektor a publiko kas local government units (LGUs), Philippine Red Cross, ken dadduma pay a public sectors a para iti relief operations.

(MJTAB/IJUG-Intern PIA Ilocos Norte/PMCJr.-ABN)