Operation baklas, kanu?

March 3, 2018 Opinion Sirmata ken Tagtagainep ni Mang Gusting

Naimbag nga oras yo amin kailian ken kaarruba, adtoy manen ti nanumo a pagayamyo nga umay maki-abrasa ken makinnistoria ken makinnisem kadakayo babaen iti ABN. Sapay la koma ta pia ken nakaradkad latta ti adda kadakayo a sangbayan manen daytoy kolum tayo ket makaipaay kami manen iti ray-aw ken impormasion kadagiti mapaspasamak iti aglawlaw tayo. Saan koma ngarud a dagsensen ti barukong ti intay pasaren, Kakayong mi ida.

Dayawentayo man dagiti barangay officials ditoy siudad ti Baguio Kakayong ta adda diay ipatpatungpalda a panagikkat iti car plate wenno plaka dagiti luglugan a nakaparada kadagiti kalsada iti barangay. Kas pagaammotayo, na-deputized dagitoy. Ket napintas la unay ta awan serbina a naipalawa ti sumagmamano a barangay ken city roads ta nag-fiesta dagiti adda luganna nga awan garahena. Ngem, adda dagiti sumagmamano a reklamo a nakagteng kadatayo kakayong, kabaranggayantayo ta addansa met pilpilienda. Ta no am-ammodan tay akin-lugan labsanda, sus santisema, adda kad met kasta…agingga kadi iti barangay ket adda palakasan? Saan koma met ah, ken adda pay napasamak, adda imparada tay am-ammotayo, nakipakaasi kami a dida la koman baklasen ti plaka ti luganna ta nadadaelan ngarud ket awan magatangda a piesana ken masapul a gumatangda pay Manila, nakipakaasi tayo pay iti punong barangay ngem ti makadakes ta uray naibagan kadagiti Tanod a madaydayaw, inikkatda latta. Ngem, ala…ania ngarud no isu siguro ti pammilin kadakuada. Ngem ti makadakes, adda dimteng kadatayo a nalabsan kanu ti lugan ti nasinged a gayemda a nakaparada, sus maria kusina, adda kad met kasta?

No kasta nga adda dagiti malabasan porke am-ammo wenno lugan ti nangato nga opisyal, awan ngarud a dayta porke asidegen ti barangay elections no matuloy, magpakitang gilas da? Ngem ti dakesna adda manen mapili a maikkatan iti plaka? Ket iti biangmi adda man madamagtayo saan aya a di maka-i-renew iti registration ti liugan no awan maipakuyog a ladawan ti garahe ti akin-lugan? Apay ngarud nga adda dagiti lugan a naka-rehistro met, pam-publiko man wenno pang-pribado? Saan aya a sakbay ti registration ket adda certifikasyon ti Punong Barangay nga adda garahe ti nasao nga owner ti lugan? Apay ngarud nga adu dagiti nakaparada nga uray agmalmalem agpatnag a nakaparada iti kalsada? Kasanun no adda uram, makastrek pay tay bombero? Awan koma seguro dagitoy a luglugan a nakaparada iti igid ti kalsada nga uray nakail-ilet la ngaruden a kalsada no ammotayo ti agtungpal iti alagaden dagiti adda luganna. Makapa-buisit ken makapa-burek iti royal blood ti kastoy a sestimna nga uray iti barangay laeng addan makuna a Red-Tape wenno palakasan system? Nakasursuro kayon iti kasta nga aramid? Wenno saan, adda pay seste ti dadduma, picturenda ti garahe ti kaarrubada, ta isu ti ipakitada, ket tay met kapitan sumangka-otro met ta i-certify na lattan.

Saan kami a mangbutbuteng ngem kuwidaw kayo a para baklas iti plaka ta no adda makitami a lablabsanyo, dakami met ti agi-report ta makita man no asino ti adda sangina ita, hmptt…tay kunami ngaruden, dayawenmi ti kasta nga ar-aramidenyo a panangipatungpal iti city ordinance maipapan iti pannakabaklas ti plaka dagiti agindeg a lugan iti kalsada a nakaparking, ngem no adda pilpilienyo a baklasen, sus maria kusina, walang personalan a kunada, trabaho laeng…dakami met ti agreklamo.

Batu-batu sa langit a kunada, ang tamaan bukol!

Ne, ne, ne, Kakayong naimasantayo manen a kunak…isu a baliwantay to manen, a. Kasta pay pare Jun, Editor Thom, agkakape tayo man no maminsan dita opisina, mailiwak met a maki-innistorya ken maki-igup iti kape kadakayo. Kasta pay, babayooo. Ttsuptsup muahmuah.