Opsss, ngorkkk, hoys gisinggg…!

Opinion Sirmata ken Tagtagainep ni Mang Gusting

Naimbag nga oras yo amin kailian ken kaarruba, adtoy manen ti nanumo a pagayamyo nga  umay maki-abrasa ken makinnistoria ken makinnisem kadakayo babaen iti ABN, sapay la koma ta pia ken nakaradkad latta ti adda kadakayo a sangbayan manen daytoy kolum tayo ket makaipaay  kami manen iti ray-aw ken impormasion kadagiti mapaspasamak iti aglawlaw tayo. Saan koma ngarud a dagsensen it barukong ti intay pasaren, Kakayonbgmi ida.

Ala, sapay la koma ngarud ta umisem kayo man iti daytoy inkam ipadigo ita..

Iti naminsan sinitar ti amo a babai ti katulongda a ni Pepita ta nadlawna a dakkelen yti sikog daytoy…

Amo: Pepita, agpudnoka, man kaniak, asino ti ama ta sikogmo.?

Pepita: ni sir, ma’am.

Amo: [unget] langsot, salawasaw, kasano koma ket baog ti asawak.

Pepita: baog ni sir kunayo, maam?

Amop: wen, isu a diak patien ti ibagbagam!

Pepita: no baog ni sir, maam, asino ngarud ti ama ni junjun nga anakyo?

Wahahahahaa!

Ala, kakayong, kaarruba, pangpapudot laeng daydiay ta ne, sobra lamina, ay ina, apay metten a kastoy ti tiempona, nagbara iti aldaw ngem naglamiis iti sardam agingga iti makasingsing ti init isu nga uray dagiti natiliwanda a polis a matmaturog iti duty da idiay metro manila, dida pa nakapuoten piman idi sumrek ti hepe da, wahaha, hoy gisinggg, abakyo pay ti nabsog a beklat nga uray ngata bade-baddekam ket saan a makariing, kababain kayo, panunotenyo, taxes ti umili ti sueldoyo.isu nga agtrabaho kayo iti  husto, anak ti——buaya kayo.

Husto laeng kailian ti pannakaikkatda it puestoda ken pannakasuspende da agraman ti hepe da, isu daytansa tay kunada a command responsibility dagitoy a hepe, adda pa diay nakaules, adda pay diay adda arak iti lamisaanda, sus ina, annak ti bua—ya kayo, makapadismaya kayo, mangibabain kayo kadagiti kapadayo a nakauniporme nga ar-aramidenda ti pagrebbenganda iti husto. Dita lugaryo, Kayong, adda kad met kasta? Sus maria kusina kayo, ayna pagburkenyo ti royal blood mi no kasta, agbain kayo met iti bagbagiyo, boluntaryo kayo koman nga agikkat, ta saan a kasta ti namnamaenmi wenno masirsirmatami a trabaho yo wenno serbisio yo, ngem ketdi dakayo ti mangted seguridad dagiti umili iti masakupan yo ngem—ania ngay dayta, nagmayat met ti uurokan yo.

Koma, saan laeng a masuspendi dagitoy amatiliwan a matmaturog kenb agbarbartek a pulis iti oras ti duty da, ngem ketdi, maikat dan iti trabaho da ta agumada a maturog iti  babbalayda, aginum nga agingga iti  kaykayatda, nagsayaat daytoy nga addang ti pulisiya, tay kunada nga spot inspections, ta ditoy a makitam no agtabtrabaho met laeng dagitoy a naka-duty wenno saan, no adda emergency kasano pay a maka-responde a dagus dagitoy no nabartekda met ken, agkurkuridemdem da, awan a, kasanun no rinaut ida dagiti managdakdakes, awanen ah, natay kayo aminen nga awan laban yo. Awan manen, nakerrasan manen ti panagtalek dagiti umili kadakayo, minulutanyo manen ti nagan ti pulisya, inramrmaanyo manen dagiti awan basolna gapu iti aramidyo, ngem—sabagay talaga a kasta laeng ti biag a kunayo, tungga basket ti kamatis, adda latta nailaok a nabulok. No kasta sakbay a ramaramenna a lungsoten amin, ikkatemon dayta a nalungsot, ibellengmon. Nupay kasta, ammomi nga ad-adu pay laeng dagit husto ti aramidna kadakayo, isu nga agbain kayo met koma, saan laeng a dakayo ti kababain no di ket agraman pamiliayo, dikay kadi mabain?

Ne..ne…ne…Kakayong naimasantayo manen a kunak, isu a baliwanta’y to manen, a… kasta pay pare Jun, kaanuka nga agawis iti kape, agkakape tayo man no maminsan dita opisina, mailiwak met a maki-innistorya kadakayo. Kasta pay, babayooo, tsuptsup muahmuah.