P30 panagngato ti sueldo iti Rehion 1 mangrugi Abril 30

April 21, 2019 Headlines

SIUDAD TI SAN FERNANDO, La Union – Dagiti mangmangged iti Rehion 1 nga nababa ti sueldo da ket maparagsakan ken mapaayan iti P30 nga ingangato ti sueldo da mangrugi inton Abril 30.
Daytoy ti impakaammo ni Department of Labor and Employment (DOLE) Region 1 Wage Board Chair ken Regional Director Natahaniel V. Lacambra.
“Iti Regional Tripartite Wages and Productivity Board ket mangiparabur agingga PhP30 nga ingangato ti sueldo para kadagiti trabahador iti rehion, daytoy ket kangatuan nga daily minimum wage rate nga PhP340,” kinuna na.
Kinuna na nga iti Wage Order No. RB1-20 ken implementing rules daytoy ket maipablaak nu Abril 15 ken maipatungpal 15 nga ladaw kalpasan ti pannakapablaarna.
Iti panagngato ti minimum wage ket manipud PhP17 kada aldaw agingga PhP30 kada aldaw, depende iti kinadakkel ti pagtrabahuan ken klasipikasion dagiti industria.
Kinuna na nga iti panagbaliw ket nasken tapnu tumunos kadagiti probision ti Republic Act 6727 wenno iti Wage Rationalization Act.
“Kalpasan iti siaannad nga panangrepaso iti kasasaad ti kagimongan ken ekonomia bayat iti pangpubliko nga panagdenggeg ken board meetings iti gatad ti ingangato ket naikeddeng, tapnu mabalanse dagiti kasapulan dagiti trabahador ken dagiti negosio,” kuna ni Lacambra.
Kasakbayan daytoy nga panagngato ket impasdek ti Wage Order No. RB – 19 iti minimum wage rate nga PhP310 para kadagiti dadakkel nga kompania ken komersial a panagkalap; PhP285 para kadagiti kalkalainganna ti kadakkelda nga negosio; PhP265 para dagiti babassit nga pasdek ken plantasion ti agrikultura; ken PhP256 para dagiti nagbabassit nga pasdek (micro-establishments) ken saan nga plantasion iti agrikultura (agricultural non-plantation).
 
PIA-1/PMCJ/ABN