Parparawpaw manen a kunak!

July 17, 2019 Sirmata ken Tagtagainep ni Mang Gusting

Adda tayo manen a mangiburay iti nanumo a kapanunotan tayo kadagiti mapaspasamak iti aglawlaw tayo. Manglukais kadagiti isyu ken dadduma pay nga intay maim-imatangan iti aglawlaw tayo. Intay sirmataen dagiti parparmata wenno intay itagtagainep a kinangayed latta koma ti aglawlaw tayo tapno makaay-ayo nga intay pagnaedan.

Intay koma ngarud saluadan dagitoy a nakaparsuaan a tanda ti ayat ti Apo a naindaklan imbes nga intay pagraranggasan. Dayawen tayo man dagiti kabarbaro wenno katugtugaw manen nga opisyales iti gobierno tayo manipud Senador agingga iti Sankgguniang Bayan.

Koma, kangrunaan a gakat wenno programa nga inda iyaramidan ti pannakasaluad ti nakaparsuaan, kas koma iti Nationwide Treee Planting wenno reforestation tapno maisubli ti kinangayed ti aglawlaw ta dagitoy a kaykayo ket isuda ti mangkunnot iti narugit la unayen nga angin ta dagitoy a kaykayo ket isuda ti manglapped iti soil erosion a gubuayan ti landslide wenno regggaay nga agbanag a flash flood.

Anian a nagpintas ti kabarbaro a naputar nga ordinansa ditoy Siudad ti Baguio Kayong Angkuan. Naisulek kaniak ti naisab-it a notice wenno pagkdaar iti alad iti kalsada nga agturong iti pagub-ubraak a no sadino ket daytoy a pakdaaar ket ibagbagana a maguyoden dagiti lugan a nakaparada iti daytoy a lugar ngem ammok, saan laeng nga iti dayta a paset ti kalsada.

Saan laeng a baklas plaka ngem ketdi guyodendan ti lugan mo. Ta ti baklas plaka, a no sadino ket na-deputize dagiti opisyal ti barangay ken tanod, ningas kugon sa met ti napasamak ta no saanak a nagriro namnaminsan a napuotak nga adda kasta a napasamak ditoy batug mi a langit. Sa idiay lugar mi, no iti rabii, mabalin pay seguro nga ikonsidera ngem no aldaw, maikkat met koman a dagita a nakaparada nangruna kadagiti busy road a kunada.

Ti intay makuna, dayawen tayo dagiti mammanday linteg tayo iti lokalidad kuna tayo man laengen. Ditoy siudad ti baguio, adu nga ordinansa ti napnday. Ginabsuon ti ammo tayo.

Pagsayaatan amin daytoy dagiti umili a pakairamanan tayo ngem ti parikut ket ti makuna nga implementasion wenno pannakaipakanna. Ti pannakaipatungpal na no iti lokalidad laeng nga agpapan barangay level, adu met ket ti barangay ordinance dagiti barbarangay.

Maysa ditoy pay Kayong Angkuan ti implementasyon ti curfew hour kadagiti agtutubo. Ti ordinansa maipanggep iti panagibulos iti taraken nga aso nga agibati iti bunton a makapilay iti kalsada. Agpaliiw kayo koma, kaaarruba dita luglugaryo.

Maipatpatungpal ngata dagitoy nga ordinansa? Kas koma kadagiti agiinum iti sango ti store wenno kalkalsada, maiparit met ket dagita. Ngem ti saludsod, ipatpatungpal ngata dagiti barangay official tayo? Sublian tayo man tay towing ordinance ti siudad ti Baguio.

Agtungpal ngata dagiti kakabsat nga adda lugan na nga awan garahe na a kas kaniak? Agaripapada ngata nga agiparada? Wenno bay-am dita ta dinto met laeng maaramid wenno maipatungpal dayta kunada? Agpakubengdan ket makitanto a sada kuna. Maysa a karit daytoy kadagiti mangipatungpal iti dayta a linteg kaarruba.

Sapay la koma ta saan laeng a mainayon manen dayta nga ordinansa kadagiti mabangbangles a linteg wenno ordinansa. Ta iti naminsan nga agsapa a nalabsak tay kaarruba mi ta parikut ngarud ti manu a tawenen a lugan iti ayanbmi a di met la maik-ikkaten.

Nagsukat manen ti kapitan mi ngem isu latta nga adda ti nasao a dadael a lugan a makasali imbes koma a paradaan dagiti padak nga awan garahe na.

Adun a pannakisarita iti akinkukua. Adun a notice. Ita, nayawagan manen kadagiti maseknan ngem ti makadakes, am-ammona sa kanu piman ta immay ket dida inggguyod. Di wow, ang galing. Ganun ba yon?