Paskuan Kayong!
“Daytoy a balay a naturongmi, balay yo ikit nga am-ammomi, ditoy ngatan ti pakagulpianmi, nawadwad nga aginaldomi.” Sus, Paskuan a talaga iti di mabayag. Mamin-anu la nga aglabas ti aldaw ania kailian ngem ala, sakbay nga intay ituloy ti agkanta iti pang-aginaldo, kablaawandakayo man pay iti naimbag nga oras tayo amin kailian, Kayong Angkuan. Mag-an tayo kadagiti batug tayo a langit. No dakami met ti kas yo damagen, naguapo tayo latta iti dua a digos ngem ni editor Thom este mas maguapo gayam ngem datayo, labiktad este baliktad metten, hahaha.
Ngem agurayka man ta mangray-aw tayo man ketdi. Kumatawa tayo no makakatawa kayo, a. Iti naminsan nagrana kami ken Pare Jun iti opisina ti ABN, aburido la unay ket nagpatulong kaniak. Ket kunana:
Jun: Chairman Gusting, tulongannak man, dakkel a problema.
Gus: Sika ketdi ti tao nga agruprupa iti problema. [then] Ania kadi manen dayta. No panggepmo ti umutang, awan kuartak ita.
Jun: Ngem puera rabak Chairman Gusting, tallo a rabiin a diak makaturturog.
Gus: Apay manen?
Jun: Pampanunotek ngamin no pangalaak iti pagbayadko kadagiti utangko kada Editor Thom ken tay Bombay a nakautangak iti hulugan.
Gus: Nalaka laeng dayta a solbaren, pare Jun.
Jun: Kasano, Chairman Gusting?
Gus: Ibagam kadagiti nakautangam nga awan pay pagbayadmo tapno isuda met ti di makaturog!
Wahahahahaha, agtakawa kayo met ah…
Ania, Kayong nakaisem ka met laeng. Sus, patalastas laeng daydiay ta makitak ket nakaer-erteng ti kuretret ta piligis ti mugingmo ken kaska la natupakan iti langdet este kasuoran a kuna ni ikit Juana. Ti kadi pay laeng saan a pannakatuloy ti barangay election ti pampanunotem? Ayna, Kayong, nabiit laengen nga urayen dayta. Manu bulan laeng ti aglabas Mayon ton. Ti ketdi aramidem, agmulaka itan. Kayat ko a sawen kundi parangka metten kadagiti kaaduan ti tao kas kom iti KBL, ammom met laeng ti KBL? Saan a ti sigud a partido ni Apo Lakay dayta a kilusang bagong lipunan ngem ketdi dayta ti partido dagiti makuna a trapo? Oh dimo kunaen a dimo manen ammo ti kaipapanan ti trapo, sus ka Kayong ken dakayo a Kakayong ko, adu gayam ti saanyo nga ammo maipapan kadagita. Ala, unaen tayo ti KBL, isu dagita dagiti kandidato wenno agpangpanggep nga agkandidato a kaaduanna a makitam iti kasaran, binyag, ken lamayan–KBL a kunada… hahaha. Kasta ah, kumatawa ka met nga uray tuppol kan. Ket ti met trapo kunam? Sus, saan a tay pagpunas a trapo dayta ngem ketdi ti kayatna asawen ket Traditional Politician… kaaduanna a dagita dagitay am-ammodaka laeng ken kumare kas kada kumpare da amin a tao no tiempo ti basingkawel.
Ngem, saan pay a dayta ti pagsaritaanta Kayong. Ngem ketdi, dagiti naglabas a parikut iti nagduduma a paset ti pagilian nangruna iti Marawi City. Adu ti maragsakan ta naggibus met laengen ti aganay lima bulan a riribuk idiay. Ngem kas makitam met ti nagbanagan ti nasao a siudad, Kayong Angkuan, kasanuda ngata a bumangon dagiti kailiantayo idiay? Kasano ngata nga agpaskua dagiti opisyales tayo no makitada ti nagbanagan daydiay a siudad? Ti nagbanagan dagiti kadaraantayo a Muslim ken Kristiano iti daydiay a lugar? Ngem, ala, baliwan tayto man la ti aginnistoryan ta yawidko pay daytoy manteka a ginatangko. Ala, babayo… tsuptsupmuahmuah.
Hauling or shredding
October 21, 2017