PH RED CROSS ITANDUDONA ITI ‘PANAGTULONG ITI BAGI’ A KOMUNIDAD, KIDDAW ITI ADU PAY A BOLUNTARIO

SIUDAD TI BAGUIO

Bayat nga itantandudo iti Philippine Red Cross (PRC) iti kultura ti ‘panagtulong iti bagi a komunidad’, indagadagna kadagiti addaan kabaelanna a tattao nga agboluntario. Segun kenni Ed Regala, board of director iti PRC La Union Chapter, ti panagawis iti ad-adu pay a boluntario ket
panggep a makaaramid iti maysa a network dagiti tattao a makabalan iti napartak ken episiente a panagresponde kadagiti didigra ken ladagiti emerhensia iti komunidad.

Imbaga ni Regala nga iti panagboluntario kas ti pudpudno nga anag iti panagserbisio iti komunidad
nga saan a mangidumduma iti kinatao, kapulian, edukasion, ken kolor. Sipapasnek nga
iparparegtana iti publiko a makipaset iti panangipaay kadagiti serbisio a natauan ti PRC kadagiti tattao. “Lahat kami ngayon sa Red Cross ay may kanyakanyang profession but we chose to be volunteers,” kuna ni Regala. Innayonna, “Kahit retired ka na pero you are able and capable and have the desire to serve the community, you are welcome to join the team.”

Impaganetget ni Regala nga iti panagboluntario ket kasapulan larng iti naan-anay a panagkumit ken dedikasion nga agserbi. Maipaay dagiti orientasion ken panagsanay maibasar iti lugar ti serbisio a maibagay nga agbalin a paset iti maysa a boluntario kas iti kinatalged, salun-at,
pagimbagan, didigra, ken panagdonar iti dara. Sinuppiat ni Regala a dagiti Red Cross Volunteers ket saan a kasapulan nga agnaed iti headquarters para iti espesipiko nga oras ti panagtrabaho ngem mabalin nga agserbi depende iti kinawayada wenno iti libre nga oras ken pagayatanda.

Dagiti interesado ket mabalin nga ag-message iti official PRC La Union official Facebook page iti https://www.facebook.com/ redcrosselyu wenno bumisita iti opisinada idiay Barangay II
siudad ti San Fernando para iti volunteer application form.

(CGC, PIA Region 1/PMCJr.- ABN)

LANG-AY FESTIVAL

Amianan Balita Ngayon