PROPETA

Nostr adamus….ang propetang diumano ay nakakita ng mga pangyayaring magaganap na sa ngayon sa buong mundo. Naging katotohanan na ang mga hula nya na nararanasan ngayon ng buong daigdig.
Siguro kung siya ay pinaniwalaan agad noon pa…maaring may sipa ng kanyang nagkatotoong mga
hula. Noong panahon iyon, kinailangan ang kanyang pagiging propeta. Sa ngayo, kinakailangan pa ba? Bakit? Buong mundo… dumaranas ngayon ang mga ibat’ibang klase ng krisis.

Walang ligtas mapa-mayaman o maliliit na bansa. May kanyakanyang krisis sa sakit, kalamidad, kabuhayan, siguredad, ekonomya at lahat na yatang nasa ibabaw ng mundo. Kaya bulong ng marami: sana muling mabuhay si Nostradamus sa panahong ito baka sakaling maampat ang hagupit ng mga krisis sa ating buhay. Sana… matapos na ang hidwaan sa pagitan ng Ukraine at Russia. Malaking pinsala na
sa mundo ang idinulot ng gyera ng dalawang.

Sana, magwakas na rin ang iringan ng iba pang mga bansa gaya sa parteng Gitnang Silangan at West
Phil. Sea. Pero sabi ng marami: nasilang na yata ang mundo mula sa sinapupunan ng mga sigalot o di pagkakasundo kahit pa noong sinaunang panahon. Kahit pa sa panahon nina Abraham, Moses, Noah
hanggang kay Poong Hesus…hidwaan sa pagitan ng mga lahi at paniniwala ang dahilan. Dito sa ating bansa, marami tayong problema na nangangailangan ng kasagutan ni Nostradamus.

Sana wala ng mga iringan at balitaktakan kung eleksiyon ang usapan. Bago at tapos na ang eleksiyon…sala- salabat pa rin ang mga problemang kinakaharap. Ang sakit kasi ng ating lipunan ay ito: alam
nating sa ikaiigi ng lahat ang mga programa pero tinutuligsa pa rin natin kahit sa huli ay aayon ka rin. Gusto lang nating pumapel, umepal o ipakilalang andito tayo at meron ding nalalaman. Sana, mawala na ang ugaling ito.

Sana ang solusyon sa mga problema ay maisakatuparan na di na kinakailangan ng maraming che-che-bureche. Sa panahon ng pandemya, marami ang sumusuway sa health porotocol. Kapag tinamaan ng
Covid saka manininisi. Sana ang mga illegal na gawain sa lahat ng ahensiya ng pamahalaan ay magwakas na dahil yan ang nagpapahirap sa ating mamamayan. Sa kagagawan ng iilan, buong lipunan ang apektado. Dahil sa kinang ng salapi, kaya nilang ilugmok sa hirap ang kanilang kababayan. Sana ang tunay na hustisya ang umiral sa patas na paraan nang walang kinikilingan.

Praktikal na problema sa kasalukuyan na dapat magkaroon ng tamang hula: ang pagpatay kay Percy Lapid na isang kasama natin sa media. Sana malutas sa mas maagang panahon at umiral ang tunay na
hustisya. Kung sino ang mga dapat panagutin ng batas….sana malaman ng bayan at sana’y di na maulit pa. Sana mabulatlat ang buong katotohanan sa patas na hustisya at maiwasan ang palakasan, impluwensiyahan, takutan at iba pang uri ng paninikil ng karapatan ng nilalang.

Meron kasing mga kaganapan sa ating lipunan na kahit walang sala, kung malakas ang kalaban…bagsak ka sa kulungan. Kaya nauuwi sa pagrerebelde sa paghahanap ng katarungan. Sana magwakas na ang sistemang ito. At sana may isa pang Nostradamus na makakapanghula kung ano nga ba ang naghihintay na kinabukasan ng ating lahi sa panahong ito. Sana may tunay na PROPETA ng makabagong panahon ang isilang para sa ating salinlahi. Adios mi amor, ciao, mabalos.

Amianan Balita Ngayon