PSA AGSAGSAGANA PARA ITI CENSUS, CBMS SURVEY ITI ABRA

July 6, 2024 Headlines

BANGUED, Abra

Agsagsagana iti Philippine Statistics Authority ti probinsia para iti Census of Population (PopCen) ken Community-Based Monitoring System (CBMS) surveys nga aggigiddan a maangay inton Hulio 15 agingga Setiembre 15. Agdagup iti 373 data enumerators, supervisors, ken reserved enumerators iti madama ti panagsanayda iti municipal level Household Data Collection ken Geotagging training para iti pannakaipatungpal dagiti survey iti intero a probinsia.

Inbinglay ni PSA-Abra Supervising Statistical Specialist Jaeriel Bersamina nga iti lima nga aldaw a panagsanay ket nabingay kadagiti bunggoy (batch) a naikeddeng iti Hulio 1-6 umuna a batch, ken Hulio 8 13 para iti maikadua a batch. “Ti panagsanay ket naipamaysa kadagiti annongenda kas enumerators, geo-tagging, ken panagkolekta ti datos manipud kadagiti napagsaludsodan usar dagiti tablets imbes nga iti tradisional a pluma ken papel,” kinunana.

Imbaga ni Bersamina nga agdagup ti 298 tablets ken power banks iti naiwaras kadagiti enumerator a naituding kadagiti nagduduma a munisipalidad ti probinsia. “Ti idea is habang madama ti survey is sabay na napro-process
yung data sa processing center natin. The data is also cleaned and reviewed in the provincial, regional, and national data processing centers (Ti ideya ket no madama iti surbey ket maigiddan a maiproseso iti datos iti processing center tayo. Ti datos ket madalusan ken marepaso iti provincial, regional, ken national data processing centers),” palawagna.

Iti 27 munisipalidad ken nasurok a 300 barangay ti probinsia, imbaga ni Bersamina a mangnamnama ti opisina nga
agarup a 250,000 datos iti maproseso. No maipapan ti panangyakar kadagiti nakolekta a datos kadagiti processing center, imbagana a nakikoordinar ti PSA kadagiti nagduduma a local government unit babaen iti Municipal CBMS
Coordinating Board, para iti tulong no maipapan iti koneksion. Kabayatanna, impasigurado ni Information Systems Analyst Zaniatha Rigor a dagiti datos a nakolekta ket masalakniban, nangruna iti digitalisasion ti agpada a surbey.

“Mayroon tayong open VPN na hindi nakaka-connect sa application without an account and the tablets are configured for the CBSM and PopCen only, ibig sabihin hindi ka makaka-download and install ng applications aside
from the one that we use for the surveys,” inbinglayna. Iti PopCen ken iti CBMS surbey nga ikonkondukta ti PSA ket agserbi a kas baseline para iti nailatang a pondo ti gobierno ken kas giya para kadagiti programa ken pagannurotan, nangruna iti lokal a lebel.

Ti PopCen, a maangay kada lima a tawen, ken ti CBMS a maipatungpal tunggal tallo a tawen, ket aggigiddan a maangay ita a tawen gapu iti pakasupalan nga i-update iti bilang ti populasion ken iti listaan dagiti benepisario ti Pantawid Pamilyang Pilipino Program, ken para iti social protection programs ti gobierno.

(JJPM-PIA CAR/PMCJr.-ABN)