PUV modernization forum, isinagawa sa Dagupan

March 31, 2018 Headlines

LUNGSOD NG DAGUPAN – Bilang pilot area sa Rehiyon 1 para sa public utility vehicle modernization program ng gobyerno ay pinulong ng pamahalaang lungsod kasama ang Land Transportation Franchising and Regulatory Board-Regional Office 1 at Department of Transportation ang mga operator ng jeepney, mga tsuper at iba pang maaapektuhan ng programa sa isang talakayan sa CSI Stadia noong Marso 23.
Ang modernization program ay hayagang sinusuportahan ni City Mayor Belen T. Fernandez dahil, aniya, sa naturang programa ay masisiguro rin ang kaligtasan ng mga Dagupeño.
“The safety of both passengers and drivers is our priority. Ang isang driver ay may pamilya, ang passenger ay may pamilya— ayaw ko pong may mangyari sa driver o pasahero dahil pamilya ang apektado,” saad ng mayor.
Sinabi ni Fernandez na ang programa ay magsusulong din ng progreso sa lungsod.
“Dagupan is a progressive city and we are always open to suggestions and improvements. We are working on road improvements all over the city, we are also creating new land use which would produce more businesses and more jobs that would generate more passengers for our jeepney drivers,” aniya.
Iginiit ng mayor na ang mga pangamba ng mga driver at operator ay hindi isasantabi sa pagpapatupad ng programang modernisasyon.
“The drivers should not be afraid because I am behind all of them. Makinig sana muna tayo sa kanilang mga sasabihin dahil ang ating gobyerno na ang lumalapit sa atin. We need to open our arms and tell them our concerns so that they can help us. This is also a good thing because they will be taught how to manage the fleet, how to make it workable and profitable for them. Sana maintindihan ng mga drivers kung ano ang gusto ng gobyerno para sa kanila.”
Ipinaliwanag ni LTFRB-RO1 Regional Director Edward L. Cabase na layunin ng forum na maibasura na ang mga sabi-sabi na “anti-poor” o hindi para sa mga mahihirap ang naturang programa.
“The reason we are here is because we are giving you the solution, which is being embraced by the local government for the sake of the riding public and the operators. This forum will also give the operators an opportunity to talk to stakeholders such as Landbank and DBP as we are trying to give them the best financing scheme they could get for the modernization plan. In terms of financing and financial consideration, hindi nila proproblemahin yun because we have our partners,” ani Cabase.
Sa forum ay ipinakita ang pangkalahatang ideya ng PUV modernization program, kasama na ang mga kaakibat na planong pinansyal at ang maaaring kitain ng driver at operator.
Nagsagawa rin ng product presentation ang mga kompanya ng sasakyan gaya ng Star 8 Green Technology, Yutong, Durabus, Jimbel, ISUZU at Tata.
Nagkaroon naman ng pagkakataon na magtanong at magpahayag ng kanilang pananaw ang mga operator at driver sa open forum.
Samantala, isang trial run at test drive naman ang isinagawa ng lungsod noong Marso 22. Libreng isinakay ang mga pasahero sa isang downtown loop-bound Solar E-Jeepney prototype upang maramdaman ng parehong driver at pasahero ang mangyayari sa modernization program.
Nagpahayag ng pag-asa si Mayor Fernandez na kapag nasagot na ang mga alalahanin ng mga tsuper at operator ay magiging bukas na rin ang mga ito sa bagong mga posibilidad at oportunidad na hatid ng jeepney modernization program. V.DEVERA, CIO / ABN