PVAO impaganetget na ti balakad kadagiti pensionado nga liklikan dagiti fixers

November 25, 2019 Provincial

SIUDAD TI VIGAN – Impaganetget ti Philippine Veterans Affairs Office (PVAO) ti balakad daytoy kadagiti pension beneficiaries nga liklikanda iti makitulag kadagiti fixers tapno mapapartak iti pannakairuar ti benepisioda kasukat iti maysa a gatad.

Binalakadan ni Victoria Antiporda, head ti PVAO Field Service Extension Office (FSEO)-Batac dagiti beterano, baloda ken miembro dagiti pamilyada nga makitransaksion laeng kadagiti opisina ti PVAO, ken personnel tapno dida matnag a biktima dagiti fixers.

“Nu adda saludsodyo, umay kayo iti opisinami ket saan kayo nga maki-transaksion kadagiti tattao ng di yo amammo nga ipasiguradoda nga mapapartak iti benepisyoyo nu agbayad kayo,” kunana iti bayat ti Dap-ayan Ilocos Sur media forum ti Philippine Information Agency idi Biernes.

Para iti pagsayaatan ken salaknib dagiti PVAO pensioners, impalagipna met nga tinawen nga mangisubmitirda iti Pensioner’s Update Form ti bulan ti panakapasngayda tapno maliklikan ti pannakasuspindes ti panagbayad ti benepisio ti pensionda.

Kabayatanna, maragsakan ni Antiporda iti Best FSEO Award iti pagilian nga nagunod ti PVAO FSEO-Batac kadagitoy laeng para iti exceptional performance, best management practices and initiatives undertaken in the region in serving the Filipino veterans and their families.

AMB/PIA Ilocos Sur/PMCJr.-ABN