R1MC nagyaman ken PRRD para rehabilitasion ti ospital

January 13, 2020 Provincial

SIUDAD TI DAGUPAN, Pangasinan – Iti umuna a tallo a bulan ti 2020 ket maipasidong ti Region 1 Medical Center (R1MC) ditoy a siudad iti rehabilitasion ti pasdek, ket dakkel nga panagyaman iti mangiton kenni Presidente Rodrigo Duterte.

Kinuna ni Dr. Roland Mejia, center chief ti R1MC nga iti ospital ket saan pay nga naipasidong iti major renovation ken rehabilitation iti las-ud 10 a tawen kalpasan nga nagpeggad daytoy idi Bagio a Pepeng idi 2009.

“Pagyamananmi ni Presidente Duterte iti panagaprobarna iti rehabilitasion ti R1MC. Siyayaman kami iti talek nga inted kadakami ni Presidente babaen iti rekomendasyon ni HealthSecretary Francisco Duque III,” kuna ni Mejia kadagiti media ti Pangasinan.

Iti kangrunaan a rehabilitasion ket manipud iti General Appropriations Act budget iti 2020 nga napattapatta a gated nga PhP400 milion karaman iti supplies ken medisina, kinuna na.

Kanayonanna, maysa a Geriatric Center iti maipatakder iti mabiit a panawen iti ballasiw ti main building ti R1MC idiay Arellano Street iti maikadua wenno maikatlo a lawas iti Enero. Maponduan daytoy iti United Nations World Health Organization ken Office of the President.

Iti Center for Geriatric Medicine ket mangted iti nangato a kalidad, detaliado ken nalaka a magun-odan iti pannakaaywan ti salun-at babaen iti panangtaripato kadagiti agpaysu ken naisangsangayan nga kasapulan dagiti babbaket ken lallakay a pasiente, innayon ni Mejia.

Maaddan daytoy iti lugar para iti konsultasion, physical medicine, neurology, dental services ken orthopaedics. Maysa a kadsaaran ket para iti maysa a dialysis center nga addaan 100 dialysis mcahines. Agbayag laeng iti maysa a tawen iti konstruksion ken malpas sakbay malpas iti main building, kuna ni Mejia nga innayonna nga maysa a rangtay iti maaramid tapno maikonektar dagiti pasdek nga maipasidong iti panang-aproba iti Sangguniang Panglungsod iti daytoy a siudad.

Iti panakaipatakder ken rehabilitasion iti baro ken daan nga paspasdek ken pasilidad ti medisina, kinuna ni Mejia nga iti R1MC ket mangted iti adu a pasiente para iti Dagupan gapu ta iti oepital ket maysa met a lugar iti medical tourism.

“Nakatulong iti R1MC kadagiti adu a tao nu maipanggep iti pannakaaywan ti salun-at, ken itultuloymi nga mangted tulong nga kasapulan iti tao.” Kuna ni Mejia.

VHS-PIAPang/PMCJr.-ABN