Reporma sa pangangasiwa, inihayag ng SSS

August 20, 2017 Metro BLISTT

Sa pagharap ng mga opisyal ng Social Security System sa tri-media ay inisa-isang sagutin ang mga isyu at nagbigay ng updates sa ginagawa ng pamunuan at komisyon ng SSS.

Pinangunahan ni SSS President at Chief Executive Officer Emmanuel F. Dooc ang talakayan.

“Ito ang bagong komisyon, kami ay nakikinig sa inyo upang maipaabot sa amin ang mga katanungan na alam kong matagal nang bumabagabag  sa inyong mga kaisipan lalo na yaong mga hamon na hinaharap sa kasalukuyan, ang pagdagdag ng benepisyo, ang persepsyon ng karamihan na natutuyo na ang pondo ng SSS, ano ang ginagawa ng pamunuan at komisyon ng SSS upang matugunan ang pinansyal na pangangailangan ng sistema at totoo ba na may kasunod pang isang libong piso na biyaya sa mga pensyonado at paano naman ito matutugunan ng pamunuan ng SSS.

“Marami kami nagawang mga panukala at yung iba ay nasimulan na, nagkaroon din tayo ng halimbawang bersyon ng tokhang sa SSS, hindi nga lang against drug kundi against delinquent employers na hindi nagbabayad ng contribution ng kanilang mga empleyado.

“Ang kasalukuyang charter ng SSS ay aming sinusubukan at ang amendment nito ay pumasa na sa mababang kapulungan this year and now is pending with the senate. Inaasahan namin na kung kami ay susuportahan ng mga lehislador, mga senador, ito ay magiging bagong batas na magbibigay ng karagdagang poder or authority sa amin, sa komisyon sa management upang maisagawa namin ang mga reporma na aming pinaniniwalaan kailangan upang aming matugunan ang pangangailangan ng aming mga kasapi at magampanan ng buong husay ang aming mga tungkulin.

“Ang mga tunay na nangyayari o development na ito sa hanay ng SSS mula sa komisyon at pamunuan ay maipaabot namin sa publiko at sa iba pang mga sector na tunay namin kailangan upang maitaguyod natin ang layunin at mandato ng SSS,” saad ni Dooc.

Nagbigay naman ng pahayag si SSS Chairman Dean Amado D. Valdez, “pinahahalagahan namin ang mga aktibong miyembro na nagbibigay ng kanilang contribution lalo na sa mga obligasyon ng bawat contributor tulad ng piso na ay may kapalit na P16 eventually kapag nagretiro na, ang pre-employment registration naman ay isinagawa namin sa mga school sa mga barangay na may edad 15 ay pinapa rehistro na namin sila at kasunod nito ay maisyuhan na sila ng ID, napakahalaga nitong ID sa bawat miyembro ng SSS dahil ang gamit nitong ID kapag kumpleto na real time na ang posting ay sandali lamang ang inyong mga transaction sa bangko.

“Sa panahon ng bagong administrasyon nagkaron ng mga panukala galing sa kongreso na ang gusto ay ibigay ng buo ang dalawang libo ngunit ito ay aming binantayan, hindi naman namin nilabanan sapagkat kami ay sumusuporta rin sa posisyon ng pangulo na dapat pagandahin natin ang biyaya na ibinibigay sa mga pensyonado ng SSS dahil ito ay nasa mandato sa ilalim ng aming charter na nagbigay ng meaningful at adequate na biyaya o pension sa mga retirado, pero ang pagbibigay ng benepisyo ay dapat may katapat na pondo, kung inyo pong aalamin napakaliit po ng gap ng contribution sa benepisyo.

“Ipapatupad namin na magdagdag ng contribution na sa katotohanan ay ito ay savings, savings ng kasapi ng SSS, kung gusto mong may ma withdraw ng malaki kung may pangangailangan ka, dagdagan mo ang idinideposito nyo, kaya kaming mga nasa komisyon ay nakahandang tumupad sa pangako ng pangulo, kami ay kanyang inilagay sa tungkuling ito, tinanggap namin ang hamon at posisyon,  paninindigan namin ito pero gagawa kami ng mga inisyatibo at reporma upang ito po ay aming matugunan,”  ani Dooc. ABN