Senior citizen dinakip sa rape sa Kalinga
BALBALAN, Kalinga – Nadakip ng pulisya ang isang construction worker na tinaguring No.1 Muncipal Top Most Wanted Person na may kasong panggagahasa sa menor de edad sa bayan ng Balbalan,Kalinga. Dinakipng mga tauhan ng Balbalan Municipal Police Station noong Hulyo 18 ang suspek na si Herman Mayao Agnas, 60, construction worker at residente ng Barangay Gawaan Balbalan, Kalinga.
Sinabi ni Capt. Benjo Torres, chief of police ng Balbalan Municipal Police Station, ang pag-aresto ay ginawa sa bisa ng warrant of arrest na inisyu ni Judge Randy Bulwayan, ng Branch 39, Regional Trial Court, Lubuagan, Kalinga sa kasong paglabag sa Anti-Rape Law of 1997(Republic Act 8353) na walang piyansa.
Noong Abril 7, 2022 sa Barangay Gawa-an Proper, Balbalan, Kalinga ay sekswal na inabuso umano ni Agnas ang isang menor de edad na biktima at pinagbantaan ng suspek gamit ang bolo.
Ang inaresto ay nakalista bilang Number 1 Top Most Wanted Person para sa 2nd Quarter CY 2022, Municipal Level.
Ang Alternative Recording Device ay ginamit sa panahon ng pagpapatupad ng pag-aresto.
Zaldy Comanda/ABN
Grab drayber, coffee shop manager,huli sa shabu
July 23, 2022