TAMA BA DI NA DAPAT?

September 17, 2022 Opinion

ANG INAASAHAN ay nangyari na nga, ang pagluluwag sa mga paghihigpit kapag nasa labas ng bahay o gusali. Opsyonal na ang pagsusuot ng face mask sa mga nasa open spaces, sa mga kalsada, kapag naglalakad. Ngunit meron isa ngang pagpapayo. Gawin ang tama, kapag may katandaan ang edad, o dili kaya kapag may sakit ng dinadala, yung ang tawag ay comorbidity. At iba pang mga ipinaaalala lalo na
kung ang pagkakataon na mahawa ay may kataasan.

Iisa lamang ang ibig sabihin ng malawakang kautusan nag awing boluntaryo ang pagsusuot ng face mask.
Tulad sa maraming bansa sa buong mundo, tanging Vatican at Pilipinas ang mayroon pang mandato na sapilitang pagsusuot ng face mask. Kaya naman, kinakailangan pang ang mga lungsod sa Kabisayaan
ang magpasaring na panahon na upang isantabi ang face mask kapag nasa open o public spaces.

Bagama’t bantulot ang mga health experts sa biglaang pagaalis ng face mask bilang pang publikong paraan ng selfprotection, napasunod na rin sila sa pambansang kautusan. Hindi naman sinasabing
hayagang biglang bukas ang mukha sa muling pananalasa ng pandemya. Sa panahong tila patuloy
pa rin naman ang sitwasyon ng pandemya eh hanggang ngayon naman ay may katindihan ang paglilista sa mga bagong naiimpeksyon ay hindi dapat pagtakhan ang bantulot na pagsasaalang-alang ng mga
namamahala sa ating publikong kalusugan.

Hindi pa naman tuluyang nawawala ang covid-19. Arawaraw, mayroon at mayroong mga bagong kaso ng
impeksyon. Kaya naman, ang ibang sektor ng populasyon ay tila hindi gaanong kumsido na alisin ang face mask kapag nasa labas. Ayaw nilang mahawa o makapag-hawa ng iba, lalo na ang mga kapwa na hindi
bakunado, o hindi pa nabibigyan ng booster shot. Why take chances, ika nga sa Ingles ng aking barber.

Kaya naman nitong nakaraang mga araw, kahit na buong bansa na ang sinabihang opsyonal na ang gamit ng face mask, marami pa rin ang hindi dagliang sumusunod. Gamit pa rin nila ang pangunahing pamamaraan ng pag-sanggalang sa kanilang pangngangatawan. Ayaw pa nilang iwaksi, gayung pwede
na, dahil nga boluntaryo na ang pag-gamit nito.

Ang mga bumabagsak bang numero ng impeksyon ay palatandaan na paalis na si covid? Hindi kaya sya ay namamahinga lamang at sa isang iglap, ay basta na lamang susunggab ng mahahawaan? At bakit kaya mababa ang numero? Hindi kaya ayaw lamang na magpalista ang mga tinamaan dahil na rin sa takot na maospital, bagay na patunay ng mababang bilang ng mga covid patients sa mga pagamutan?

Idagdag pa ang isa pang ugali na sa panahon ng konting karamdaman, ang perang pambili ng gamot, pangbayad ke Doc, at pagpapa-ospital ay sa pang-araw-araw na pangangailangan ginagamit, lalo na ang pagseseguro na tatlong beses sa magdamag ay may pagkain sa mesa, me pambayad sa koryente at tubig, at ngayong pasukan, na ginawa ng in-person or face-to-face, eh di ba dapat dag-dag-gastusin
ang pag-aaaral ng mga tsikiting, ni Kuya at ni Ate. Konting sipon-sipon, konting ubo-ubo, kakayanin pa iyan.

NGAYONG nahimashimasan na ang karamihan, ay ating timbanging mabuti ang anunsyong mayroon ng bagong bakunang panlaban sa lahat ng subvariant na ngayon ay kumakalat. Meron na ngang pinagngingilagang supervariant daw na higit na mabilis makahawa, at higit na mabagsik
ang dalang epekto. Ang tawag ng ngayong panahon ay pag-ahon at pagbagtas sa isang paraan na
magbibigay lunas sa dekadekadang kapabayaan ng marami nating kinakailangan.

Ang Baguio ay natatanging lungsod na hinugis sa kabundukan ng Cordillera, upang maging sentro ng bagong pamumuhay bilang isang lungsod. Hindi natin dapat ipag-kibit ng balikat ang katotohanang paboritong tahanan ng bawat Pilipino ang lungsod, na mayat-maya ay dinadagsa upang muli at muling
langhapin ang bango ng isang kaisa-kaisang Baguio. Sa pinagsamang pwersa ng sambayanan, at sa harap ng nasisinagang bagong umagang darating, babalik ang Baguio sa dating karanasan ng isang
mayumi, matalinghaga, maganda, at mapang-akit ng lungsod. AngatTayoBaguio. Isang puso nating pagtulungan ito!