Ti PGLU ket ISO 9001:2015 Certified

March 18, 2017 Headlines

SIUDAD TI SAN FERNANDO, LA UNION – Inwaragawag ni Governor Emmanuel “Pacoy” R. Ortega III nga ti Provincial Government ti La Union (PLGU) ket ISO-certified for Quality Management Service (QMS-ISO 9001:2015). Karaman ditoy ti 11 Departments nga ada 31 Standard Procedures ken dagiti sumaruno nga 11 Departments ken amin nga 5 District Hospitals karaman ti La Union Medical Center ket maikkan ti certificate iti mabiit.
Impakaammo ni Pacoy kadagiti provincial, municipal/city officials ken PGLU employees maipanggep ti nagun-od idi Ecumenical Thanksgiving Prayer and Simultaneous Anniversary Flag-Raising Program kas selebrasyon ti 167th La Union Foundation Anniversary idi Marso 2, 2017 sadiay Provincial Capitol Grounds, Ciudad ti San Fernando.
Ti ISO Certification ket makatulong ti PGLU tapno maiduron ti Transformative Governance para ti realisasyon ti bisyon ti probinsiya nga agbalin nga Heart of Agri-Tourism ti Northern Luzon iti tawen 2025, kuna ti gobernador. Innalukoy met ti gobernador ti amin nga Local Government Units ti La Union nga rangtaenda ti ISO Certification.
Ti quality management system (QMS) ket maysa nga formalized system nga mang-dokumento ti “processes, procedures, and responsibilities for achieving quality policies and objectives.” Tumulong daytoy a mangiturong kadagiti aktibidad ti maysa nga organisasyon tapno maragpatna ti customer ken regulatory requirements ken mapasayaat ti kinaepektibo ken episiente daytoy.
Ti ISO 9001:2015 ket ti international standard iti requirements para iti quality management systems. Daytoy ti kalatakan nga approach iti quality management systems. Pakairamanan a pagserbian ti quality management systems ti “improving processes, reducing waste, lowering costs, facilitating and identifying training opportunities, engaging staff and setting organization-wide direction”. Loren M. Obillo, PITO-LU / ABN