UMUNA A PROVINICIAL REFORMATION FACILITY ITI ILOCOS REGION NANGLUKAT

December 16, 2023 Headlines

BURGOS, Pangasinan

Pinadayawan iti Philippine Drug Enforcement Agency (PDEA) ti Balay Silangan reformation
facility iti probinsiya ti Pangasinan sadiay ili ti Burgos a mangsangaili kadagiti munisipalidad ken siudad nga awanan pay center para repormasion. Iti maysa nga interbiu idi Huebes, imbaga ni PDEAPangasinan Director Retchie Camacho a walo nga munisipio ti nagpirma iti maysa a memorandum of agreement (MOA) kadua iti provincial government ti Pangasinan para iti panangusar ti pasilidad iti repormasion, a nainagurasionan idi Disiembre 7.

Daytoy iti umuna a provincial reformation facility iti Rehion ti Ilocos. “Dakkel a tulong daytoy
kadagiti munisipalidad nga awanan pay iti Balay Silangan ken apektado pay iti droga. Nabayagen nga ur-urayenda daytoy. Dagiti kliyenteda wenno dagiti pusher ti kalsada ket maienrol iti Balay Silangan a daytoy ket manglukat iti dalan tapno madalusan dagiti apektado kadagiti droga a
barangay,” kinunana. Dagiti munisipalidad a nagpirma iti MOA ket dagiti ili ti Bani, Burgos, Binalonan, Dasol, Infanta, San Jacinto, San Nicolas, ken Sual.

Imbaga ni Camacho nga iti pasilidad ket mabalin a makaakomodar iti agingga 88 a kliyente iti maymaysa a tiempo kadagiti air-conditioned a kurto daytoy, addaan seguridad nga ipaay iti Pangasinan Police Office ken kameng ti gobierno ti probinsia. Dagiti street-level pushers laeng iti maakomodar iti pasilidad ken saan a dagiti highvalue targets, kinunana, innayonna ng aur-urayenda iti screened list manipud iti Philippine National Police tapno mairingpas iti umuna a grupo dagiti kliyente.

Inlawlawag ni Camacho nga iti maysa a bulan, masapul nga agtalinaed dagiti simmuko iti Balay Silangan para iti inhouse program. Sakbay a makaturposda iti programa, mabantayan ti progresoda iti ruar ti center iti dua nga agsasaruno a bulan. Karaman ti programa iti maysa-a-bulan nga obligado a pangyan iti center tapno makipaset iti edukasion, salunat, siko-sosyal ken pisikal nga
aktibidad. Iti nabatbati a dua a bulan ket mabusbos iti pagsapulan ken paset ti edukasion iti panggedan.

Ti Balay Silangan ket maysa a kasapulan para iti tunggal a local government unit (LGU) iti pagilian tapno maragpat iti maysa a drugcleared status. Dagiti sabali a pasilidad iti Balay Silangan ket agop-operar iti San Carlos City ken ili ti Sison, Basista, Asingan, Umingan, San Fabian, Balungao, Manaoag, San Quintin, ken Alaminos City. Imbaga ni Camacho a 1,157 iti 1,272 a drug-affected
barangays iti probinsia ket naideklaran a drug-clear.

(HA-PNA Ilocos/PMCJr.-ABN)