Unang regional evacuation center, itinatayo sa LU

BACNOTAN, LA UNION – Malapit nang matapos ang kauna-unahang regional evacuation center ng Region 1 na maaaring magamit ng mahigit na 500 evacuees sa panahon ng kalamidad sa Barangay Agtipal ng Bacnotan, La Union.
Sinabi ni Engineer Helino Laureaga, regional project engineer of the Department of Public Works and Highways (DPWH-1), na ang proyekto ay mayroong land area na 3,000 square meters at may fund allocation na aabot sa P22,786,068.50 ay ipapatupad ng kanilang regional office sa pakikipagtulugan ng local government unit ng Bacnotan.
Ang mungkahi sa aktuwal na kayarian ng proyekto ay two-storey, 600 square meter na gusali kung saan kaya nitong maglaman ng hindi bababa ng 500 katao sa ikalawang palapag. Sa ground floor naman ay makikita ang dining area, kitchen, breastfeeding area, prayer room, storage room, communication room at lobby area.
Dagdag pa ni Laureaga na magkakaroon ng hiwalay na three-storey laundry o drying building na mayroong water tanks, dalawang hiwalay para sa lalaki at babaeng banyo at kubeta, pump room, generator at power room, at garbage disposal building.
Sinabi pa niya na sa harap ng evacuation center ay mayroong hiwalay na gusali para sa 75 square meter bungalow type kung saan gagamitin bilang Regional Disaster Risk Reduction and Management Council operations center (RDRRMC-OpCen).
Sa tanong kung bakit sa Bacnotan itatayo ang nasabing gusali, aniya ang pagbaha, partikular sa mga barangay na matatagpuan sa kabayanan, ang matagal nang suliranin ng munisipalidad sa panahon ng bagyo.
“This may seem a usual scene but that does not limit the use of this on-purpose structure only to residents of Bacnotan or the nearby towns in La Union,” aniya.
Bilang regional evacuation center, ang imprastraktura ay magsisilbi sa mga mamamayan mula sa apat na probinsiyang apektado ng anumang sakuna lalo na kung ipapatupad ang evacuation.
Ayon naman kay Engr. Janwell Pacio ng JAN PAC Engineering and Construction Services, isa sa mga pangunahing kontraktor ng proyekto, ang proyekto na sinimulang gawin noong Nobyembre 26, 2016, ay may humigit-kumulang 30 percent na pagkayari at planong matapos hanggang Setyembre nitong taon o mas maaga pa.
Ang mga kontraktor ng proyekto ay ang JAN PAC at BET Construction and Supply.
Maliban sa pagiging disaster-related, ang proyekto ay nakakatulong na makapagbigay ng trabaho sa 32 laborers na nanggagaling sa Bacnotan at San Fernando City ng La Union.
Samantala, sinabi ni Engr. Dominic de la Cruz ng DPWH Planning Division, ang parehong proyekto ay maitatayo rin sa probinsiya ng Pangasinan at Ilocos Sur, at nasa ilalim na ng pagsusuri para sa hinaharap. MPA/PIA-La Union / ABN

Amianan Balita Ngayon