ZERO BACKLOG ITI KASKASO TI AGRARIO MATAGINAYON ITI DAR ILOCOS

October 2, 2022 Headlines

SIUDAD ITI LAOAG – Matagtaginayon iti Department of Agrarian Reform (DAR) iti zero backlog nga estado iti panangipatungpal ti linteg kadagiti kaskaso iti agrario agingga iti maikatlo a kakapat iti daytoy a tawen. Ipatpatungpal ti ahensia iti zero backlog kadagiti kaskaso ti agrario manipud pay 2019 idi inrugi ni dati a sekretario John Castriciones.

Imbaga ni Atty. Glaiza Bernadette Pinto-Tadeo, hepe iti Legal Division iti DAR Region 1 iti maysa nga interbiu nga, ”Zero backlog cases pa rin po tayo at talagang minimaintain natin ‘yan taontaon dahil sinisiguro natin na mabilis at agarang aksyon sa pag-respond sa mga kaso.” Kuna ni Tadeo nga daytoy
a napateg a pagteng ket resulta iti epektibo a pamay-an ken panangimaton iti kaso dagiti legal teams.

Impadamagna nga dagiti pro-bono a legal a serbisio ket madama pay uray kadagiti probinsial nga opisinada tapno agserbi ken maipaayan iti tulong a kasapulan dagiti benepisario a mannalon iti intero a rehion. “May mga legal team tayo sa bawat probinsya kaya naman sa provincial level pa lang ay nasolusyunan na natin ‘yong problema ng ating mga magsasaka,” kuna ni Tadeo. Parparegtaen ti DAR dagiti kliente a risutenda dagiti ririda babaen iti panagtutunos ken panangibabaet, gapuna a maresolba dagiti kaskaso sakbay pay a maipila daytoy iti korte.

Kasta met, tapno maliklikan iti panagssubli-subli dagiti kliente para iti kasapulan a dokumento a mangigapu iti pakarigatan, kasta met iti pannakataktak iti resolusion dagiti kaskaso, mabalakadanda nga umuna nga umawagda iti hotlines ti opisina ken balakadan iti legal team maipapan kadagiti kasapulan. Para iti regional office, mabalinda nga awagan iti Legal Division babaen iti landline: (072) 619-5275 wenno mobile numbers: 0906-270-9418 wenno 0939-147-4142.

Imbaga ni Tadeo nga agtaltalinaed a natibker iti DAR iti panangipaay daytoy iti libre a lega a tulong para iti punliko, nangruna kadagiti benepisario a mannalon. “Patuloy po ang pagbibigay namin ng maagap
at de-kalidad na legal na serbisyo sa mga magsasaka natin sa Region 1,” kunana. Malaksid iti conciliationmediation, dadduma a pro bono legal services nga ipapaay ti DAR ket saklawna iti
conversion, transfer, ken resolution iti agrarian legal implementation cases.

(CGRC/PIA Region 1/PMCJr.-ABN)