18-day campaign kontra iti kinaranggas kadagiti babbai, narugian iti LU

November 25, 2017 Headlines

SIUDAD TI SAN FERNANDO, LA UNION – Narugian ti 18-day campaign to end violence against women babaen ti “Walk for gender equality” manipud iti plaza ti siudad inggana Bangko Sentral ng Pilipinas (BSP) nga indauloan ti Region 1 Advocates for Gender Equality (RAGE-1) idi Nobiembre 24.
Kalpasan ti nasao a fun walk, ado pay dagiti naisagana nga aktibidad inggana Disiembre 12, 2017, maipapan iti Republic Act 9262 wenno Anti-Violence Against Women and their Children (VAWC) Act of 2004.
Pakairamanan dagiti aktibidad ti Gender and Development (GAD) quiz bee ken poster-making contest no Disyembre 4 a manamnama a pakipasetan dagiti regional government agencies.
Segun iti Philippine Commission of Women (PCW), “The 2017 campaign approach is to make people understand VAW from the point of view of victim-survivors… deeper understanding would ignite compassion from stakeholders, so that they would not commit, condone, or remain silent about VAW. For service providers, such compassion towards victim-survivors would encourage them to provide better services to their clients.”
Kinuna ni Dr. Cherrie May Pocsidio-Laroco, presidente ti RAGE-1, “Violence against women emanates from gender inequality and stereotyping which was ingrained in our culture for several centuries and only through advocating gender equality and empowering women can we truly end VAW.”
Innayonna a babaen kadagiti maisayangkat nga aktibidad ket maipakaammo ken matignay dagiti mangmangted ti programa ken serbisio ti gobierno a mangitandudo iti maysa a VAW-free community, mangaramid ken mangiyuna kadagiti plataporma tapno magun-od ti VAW-free community ken makaited ti inspirasion ken mangpapigsa kadagiti babbai nga agbalin nga “agents of change”.
Kangrunaan a matalantan ti anti-human trafficking ken anti-illegal recruitment iti lecture-forum no Disiembre 12, iti opisina ti BSP.
“We want to increase awareness that human trafficking is a form of VAW and that efforts to stop human trafficking and illegal recruitment is a way to end VAW,” kuna ni Laroco.
Iti report ti Philippine National Police-Women and Children Protection Council (PNP-WCPC), adda pakabuklan a 15,749 a kaso ti panaglabsing iti Republic Act 9262 nga naipila iti PNP manipud Enero inggana Hunio tatta a tawen.
Ngem, tallo laeng iti 10 a babbai ti agpapaarayat tapno maisardeng ti kinaranggas a mapaspasaranda.
Ti 18-day campaign to end VAW ket tinawen a maob-obserbaran manipud Nobiembre 25 inggana Disyembre 12 tapno mangted ti pakaammo a ti VAW ket maysa nga isyu a pakairamanan ti amin nga stakeholders ti pagilian.
Ti Nobiembre 25 ket naideklara kas “national consciousness day for the elimination of violence against women and children”. JDS, PIA-La Union / ABN