2 dayuhan, tinakbuhan ang pagbayad ng upa sa bahay

June 30, 2018 Police Patrol

Nagreklamo ang may-ari ng isang paupahang bahay sa mga pulis ng Station 2 ng Baguio City Police Office dakong 2:45pm ng Hunyo 26 dahil sa hindi pagbabayad ng upa ng dalawang dayuhan.
Sa imbestigasyon, bandang 10am ng Hunyo 19, nadiskubre ni Eunice Baniaga, 34, at may-ari ng paupahan sa Riverside Central, Guisad, Baguio City, na ang mga suspek na sina Emmanuel Kapi at Valma Koren, kapwa Papua New Guinea national na umupa sa isang unit ng apartment ay umalis nang hindi nagbayad ng tatlong buwang upa na nagkakahalaga ng P16,000 at karagdagang city services na tinatayang umaabot sa P2,000.