92 baro nga health centers naipatakder sadiay Rehion 1

SIUDAD TI SAN FERNANDO, La Union – Para iti tawen a 2019, nangipatakder iti Department of Public Works and Highways (DPWH) iti 92 baro nga health centers sadiay Rehion 1.
Kinuna ni Esperanza Tinaza, regional information officer ti DPWH-1 nga impatakderda iti 92 rural health units (RHUs) sadiay rehion “tapno maikkan dagiti umili iti nasaysayaat a kangrunaan nga pasilidad iti salun-at.”
“Nangilatang iti DPWH iti agarup PhP405 milion para iti panangpatakder ti barangay health stations kadagiti natukoy a barangay iti dua a probinsia ti Rehion ti Ilocos,” kuna ni Tinaza.
Naipatakder dagiti rural health units sadiay Aringay, Rosario,ken Bauang iti probinsia ti La Union; ken San Fabian, San Jacinto,  Alcala, Villasis, ken Pozorrobio sadiay Pangasinan.
Dagiti baro a pasilidad ket naigaman iti dental clinic, TB DOTS clinic, ward room, nurses’ area, animal bite treatment center ken silsiled para iti consultation/treatment, birthing, family planning ken seminar room, ken laboratorio.
Kabayatanna, imparagawag ni Tinaza nga parpartakanda met iti konstruksion iti inem pay nga health centers sadiay La Unio ken Pangasinan tapno malpas dagitoy sakbay agibus iti tawen.
 
JND-PIA-LU/PMCJr.-ABN
 

Amianan Balita Ngayon