DA nagkondukta iti dry run ti RRP Information System idiay Ilocos Sur

June 8, 2020 Headlines

SIUDAD TI VIGAN – Indanguluan iti Department of Agriculture Regional Field Office I (DA-RFO1) iti dry run ti Rice Resiliency Project (RRP) Information System para kadagiti mannalon ti pagay iti ili ti Cabugao.
Ti RRP ket maysa kadagiti interventions iti sidong ti Plant Plant Plant Program ti DA wenno Ahon Lahat, Pagkaing Sapat (ALPAS) Kontra sa COVID-19, nga nakatutok iti pannakaiwaras iti bukbukel ken abono para kadagiti mannalon ti pagay tapno maingato iti produksionda iti bagas.
Kinuna ni Lorena Alcodia, agriculturist ti DA-RFO1 nga iti Information System nga
naaramat iti dry run ket pinataud ti information management systema.
“Bale ito ay ginawa ng DA upang maging transparent ang ating distribution ng mga fertilizers at rice seeds sa Region I,” kunana.
Sigun iti DA-RFO1, daytoy ti panggepda iti pannakaaramat iti RRP Information System, nga nairekomenda tapno usaren dagiti sabali a regional offices ti pagilian para iti nalaklaka nga monitoring ken profiling iti makagun-od ti RRP.
Daytoy ket maysa a mobile application nga nagkuyog a pinataud dagiti eksperto ti IT manipud DARFO1 Information Management Section nga indanguluan da James Flores ken Leo Mark Baldoz iti superbision ni Deo Rivera iti General Services Section, iti panangiwanwan ni DA-RFO1 Regional Executive Director Lucrecio R. Alviar Jr.
Malaksid iti panangted ti transparency kadagiti serbisio ti DA-RFO1, mangted iti sistema ti nalaklaka a data capture, access ken centralized database iti listaan dagiti benepisario a mannalon nga nakaawat iti interventions iti sidong ti RRP.
Innayon pay ni Alcodia nga nu mausaren iti information system sadiay probinsia, dagiti RRP farmer-recipients ket makaawat iti bukbukel sigun iti kinadakkel ti talonda, ken abono.
“For the free fertilizers, under the Expanded Inbred Rice component, farmer who buys at least two bags of fertilizer can claim additional two bags of free fertilizer from DA; under the Expanded Hybrid component of the RRP, farmers who buy at least two bags can claim additional three bags of free fertilizer from DA; and under the RCEF Enhanced component, buy two bags and get two bags free naman,” kinunana.
Kinuna ni Oscar Tobia, Provincial Agriculturist nga iti information system ket kasapulan para iti panangibunong ti tulong manipud DA.
“Kailangan ito ng ating mga benepisyaryo sa tuwing sila’y tatanggap ng ayuda mula sa DA para maiwasan ang nangyaring parang fertilizer scam noon kung saan may mga bogus na farmers na walang tumanggap sa mga ayudang ito,” kunana.
Innayonna pay, “May mga forms silang kailangan ifill-up, pipirma sila kapag matanggap na nila itong ayuda at makukuhanan sila ng litrato individually, once na makuhanan sila since online ito, maire-rehistro sila sa central office as proof na natanggap nila itong mga fertilizer at seeds.”
Iti naurnong a datos babaen iti information system ket mabalin met nga mausar kas maysa a baseline data para iti masakbayan nga interventions kadagiti mannalon manipud DA.
Kuna ni Acting Municipal Agriculturist Nerio S. Daproza ti Cabugao nga iti information system ket agsirbi a kas reperensia iti nasional a gobierno para iti PhP5,000 nga tulong, libre a crop insurance, libre a bukbukel wenno bin-I, ken abono para tuggal farmer-recipient.
Innayonna nga para tunggal ektaria, makaawat dagiti RRP farmer-recipients iti libre nga tallo a bag ti abono nga Urea.
“Napakalaking benepisyo ito para sa mga farmers natin, una po, qualifying document kasi yan at dapat makarehistro muna sa Registry System for Basic Sectors in Agriculture (RSBSA) ang farmer para automatic na maging benepisyaryo ng RRP,” kunana.
Allukuyen ti DA-RFO1 dagiti mannalon ti probinsia nga saan pay nakapagpalista iti RSBSA nga agparehistro babaen iti online application wenno babaen iti municipal agriculture officeda.
Kinuna ni Alcodia nga, “Parehistro na rin po kayo! Kung hindi pa kayo nakaparehistro sa RSBSA, mas mabuting magparehistro kayo para maka-avail kayo ng mga ayuda ng gobyerno.”
JMCQ-PIA IS/PMCJr.-ABN