Gawain ng NPA, kinondena ng komander ng AFP

GAMU, ISABELA – Kinondena ni 5th Infantry Division commander, Major General Paul Talay Atal, ng Armed Forces of the Philippines ang patuloy na mala-teroristang gawain ng New Peoples’ Army (NPA) sa mga rehiyon ng Cagayan Valley at Cordillera.
Ito ay matapos ang magkakasunod na pag-atake ng mga kasapi ng NPA sa magkakaibang lugar sa dalawang rehiyon.
Kamakailan ay isang grupo ng NPA ang umatake sa hindi binabantayan na kagamitan ng Delta Earthmoving Construction Company. Sinunog nila ang isang dump truck, isang water truck at isang backhoe na ginagamit sa paggawa ng mga kalsada para sa mga komunidad sa mga barangay ng San Pablo at Arwas, pawang sa Diadi, Nueva Vizcaya.
Sa isa pang insidente ay inatake ng isa muling grupo ng NPA ang Hedcor tapping point sa Brgy Otucan Norte, Bauko, Mountain Province na nagresulta sa pagkawala ng kuryente sa halos kalahati ng probinsya at nakaapekto sa pangkabuhayan ng mga komunidad.
Gaya ng iba pang kalupitan na ginawa nila, nagdahilan ang NPA sa pamamagitan ng mga gawa-gawang istorya at pinagbibintangan ang kanilang mga biktima na lumalabag sa mga batas pang-kalikasan ngunit ang katotohanan ay nangingikil lamang ang mga ito sa kanilang mga biktima, pahayag ni Atal.
Aniya, dapat nang magtaka ang mga mamamayan at itanong kung may mga alternatibo nga bang iniaalok ang NPA sa mga negosyo at kompanyang nagbibigay ng trabaho sa mga tao ngunit inaatake nito. Ano ang development programs ng NPA para sa mga mahihirap na komunidad, “why should they burn the heavy equipment that are building roads and government projects for the poor?” patuloy ng komander.
“What services do the NPA deliver to alleviate the poverty and miseries of the people living in the rural areas? Are the monies being extorted by the NPA used for community development?” ani Atal.
Sa kabila nito ay nananatiling positibo ang pananaw ni Atal at sinabing, “I am encouraging those NPA who could no longer take the human rights violations of their leaders and companions, to avail of the Comprehensive Local Integration Program of the Government. Let us settle our differences in a peaceful way and instead, help in the progress and development of our beloved country. After all, we are all brother Filipinos.” 5ID PUBLIC AFFAIRS OFFICE / ABN

Amianan Balita Ngayon