Grace Guardians, namigay ng tulong pinansyal sa 3rd anniversary

July 2, 2017 Provincial

SAN CARLOS CITY, PANGASINAN – Dinaluhan ng mahigit na 3,000 na miyembro ng Grace Guardians na mula sa iba’t ibang panig ng probinsya na kinabibilangan ng mga chapters officers at members upang saksihan at makisaya sa pagdiriwang ng ika-3 taon anibersaryo ng Grace Guardians na ginanap sa Arenas Resuello Complex, San Carlos City, Pangasinan noong June 25, 2017.

Naging panauhing pandangal at tagapagsalita si PDir. Atty. Isagani “INF SGF GANY” R. Nerez (Ret.), national chairman ng GRACE Guardians, at ang presensya ni AASENSO Partylist Representative Teodoro “INF KUYA” G. Montoro kasama rin sina AASENSO Partylist National Adviser/Interim Provincial Chairman Col. Rolando T. Magno (Ret.), Chief of Staff Atty. Josephus R. Nerez at ng mga National Board of Trustees, Pangasinan, Caloocan, Valenzuela, Basista, Bataan at Baguio-Benguet Provincial Board of Trustees at Founders Chapters.

Nagsagawa ng blood letting para sa mga miyembro na nangangailangan ng dugo,  tinipon na rin minsanan ang mahigit na 400 neophytes na pinanumpa ni National Chairman “INF SGF GANY” at induction ng mga bagong hahawak sa kanilang katungkulan.

Ipinauna na ni Nerez sa mga manunumpa ng kanilang tungkulin na magkaroon ng pagpapahalaga,  katapatan, prinsipyo, disiplina, at maging aktibo sa mga gawain at aktibidad para sa pagpapalaganap ng misyon at vision, maisakatuparan ang pag-usbong at lumakas pa lalo ang pagkakaisa ng Grace Guardians sa pamamagitan ng kaakibat nitong partylist ang AASENSO ay magpapatuloy ang suporta nito para sa kapatiran (brotherhood), sa pamamagitan ng kusang paggawa at walang hinahangad na kapalit.

Matapos mabigyan ni Secretary General Grace Board of Trustees ng awards ang mga may ratings na performance chapters officers ay namigay rin ng financial at burial assistance sa mga naulila at mga may karamdaman na umabot sa P36,700 ang naibigay ng araw na iyon.

Sinabi ni Montoro, “pagsikapan natin na maging aktibo tayo sa pagre-recruit na mapabilang sa atin bilang GRACE Guardians lalo na sa mga kababayan natin na may malinis na puso ngunit kapus sa kabuhayan. Sila ang una nating dapat tulungan, dahil habang lumalaki ang bilang ng ating samahan ay dito lumalakas ang puwersa natin habang narito ako na naglilingkod sa inyo bilang representative ng AASENSO ay malayo ang mararating natin para mapaunlad ang ating kabuhayan, bawat pamilya ay makikinabang sa medical assistance, barangay projects, scholarship at livelihood,” ani Montoro. ABN