Kasanu ngay no malpas ECQ ken GCQ, Kayong…!

May 10, 2020 Sirmata ken Tagtagainep ni Mang Gusting

Naimbag a malem, agsapa, wenno rabii yo amin k a k a a r r u b a , gagayyem ken kaginginnura hehehe…sapay la koma ta napia kay latta a kanayon nangruna kadagiti sukimi iti ABN READERS….Mag-an kayo met kadagiti luglugar yo…? Kumusta metten ti biag tayo kailian…

Kumusta kayon Kakayong, Kakailian…ania met ti madamag kadagiti luglugar yo…naipasidong kayo kadi iti extended nga enhance community quarantine wenno general community quarantine?

Ania ngay ti nagpasaran yo kakayong ken kabarangayan mi ida bayat dagita a panawen…problema pay laeng ti relief goods kas kada SAP? Hay naku nga agkakamakam, Kayong Angkuan…agingga iti last minute a kunada..reklamo ditoy, reklamo idiay… ti dakesna, adda met dagitay kunada a pasindayag…i-post da pay met iti facebook dagiti naawat da a relief idinto a saanda koma a qualified-en ta malaksid nga adda pensionado a kameng ti pamiliada, adda pay anakda abroad…idinto ta nagadu ti mas kasapulan wenno rumbeng a maikkan ngem namnamainsan da kanu a nakaawat.

Isu a kunada..adu latta dagiti bimsog ti boksit na bayat ti ecq ken adu met latta dagiti nagkiraus..Adda pay nangidanun kaniak iti reklamona piman..ta addada laeng kanu iti nasulinek a barangay iti maysa nga il.

Nadamagda no ania ti naited a relief kadagiti dadduma a barangay manipud iti mayor da ken probinsia …tay sangapulo wenno lima kilos a bagas, nagbalin a taltallo kilos…tay lima a sardinas, taltallo met..ken tay sangapulo pidaso a noodles nagbalin a lima…sus..pudnon sa ketdi tay nangngegkon a drama iti radio ken imbaga ti maysa a mayor a kalpasan ti covid quarantine ket adda kagawad a manglukat iti sarisari store na..sus maria kusina a biag…adda kubbo, adda kiad a kunada..no matay agunnat..

Ngem ala..panawan tayo man pay dagita nga isyu..adu pay ti nasken a sanguen tayo…adu dagiti nasnasken nga intay solbaren a problema…kas koma iti panagrekober wenno ilulung-aw ti ekonomia ti pagilian kalpasan a naidugmam gapu iti COVID19 Kayong Angkuan..saan laeng a ti ekonomia ti pagilian ngem ketdi, dagiti kakabsat..dagiti kailian tayo a naawanan trabaho wenno simmardeng a nagtrabaho..saan met ngarud nga amin ket naikan iti SAP wenno Social Amelioration Program…no koma tunggal household lattan ti inikkanda weno tunggal head of the family uray basbassit, Seguro awan riri..adda ngamin dagiti uray saan koman a rumbeng a maikkan ngem naikkanda..adda met dagiti rumbeng koma a maikkan ngem saanda a naikkan..isu a kunada..saanda a matay iti covid ngem matayda iti bisin…kayatna a sawen, adu ti nagsagrap iti madi nga epektona iti biagtayo…Kasanu tayo a makabangun Kayong Angkuan…ania ti mapasamak iti biag tayo kalpasan ti covid..kalpasan ti ecq ken gcq…?

Daytoy manen ti nasken a sanguen ti gobierno..kasanu nga agsubli ti normal a biag tunggal maysa kadatayo…Segun pay iti singasing…adda diay BALIKPROBINSIA a programa ti gobierno…ngem, umdas ngata dayta nga addang ti gobienro tapno makalung-aw tayo? Saan ngata a nasaysayaat no makaproduce da iti pagtrabahuan dagiti kailian tayo.?

Opssss..nalpas ti ani a kunada Kayong Angkuan…naimasan tayo manen ti nagiinstoriya.. ala mapanakon ta amangan no makitanak ni Kapitana a nakatambay ditoy sango ti store ni Bannay ket maungtanak pay..ta bawal pay laeng ti agistambay gapu iti extended enhance community quarantine pay laeng ditoy ayanmi . . agawid tayon kakayong…. ..babayo..tsuptsup muahmuah…