Mahigit P30M, ibinigay ng OWWA sa nabiktima ng bagyo

LUNGSOD NG BAGUIO – Naglabas ang Overseas Worker Welfare Administration (OWWA) Cordillera ng kabuuang P30 milyon na financial assistance para sa mga pamilya ng Overseas Filipino Workers (OFWs) sa Cordillera.
Ayon kay OWWA Cordillera Officer-in-Charge Evelyn Laranang, ang Cash Relief (CARE) assistance ng ahensiya ay ibinigay sa mga pamilya ng biktima sa Abra, Apayao at Kalinga, ang tatlong probinsiya sa rehiyon ng Cordillera na may pinakamalaking OWWA-member families na apektado ng bagyong Lawin noong Oktubre 2016.
“Were not discounting the other three provinces because we have members from there but we would like to focus first on the most number of families affected by typhoon Lawin,” ani Laranang. Ang CARE program ay inilunsad isang buwan matapos tumama ang Lawin sa bansa, dagdag pa niya.
Nagsimulang makatanggap ng listahan ng mga benepisyaryo ang OWWA noong Nobyembre 2016 at nagtapos ng Pebrero 2, 2017. Ang tulong pinansiyal ng OWWA sa mga aktibong miyembro ay nagsimulang ibigay noon pang Nobyembre 2016.
Sinabi pa ni Laranang na nakatanggap sila ng kabuuang 17,496 applications mula sa tatlong probinsiya ngunit 4,070 aplikante ang hindi naaprubahan dahil kulang sa requirements at non-renewal ng membership.
“We feel bad for the denied applicants but one of our requirements to qualify for any financial assistance or benefits from our office is to be an active OWWA member.” Ang ibang mga miyembro ay hindi na aktibo ang status bago pa tumama ang typhoon Lawin sa bansa.
Ang OWWA ay nakapamahagi ng P30,045,000 sa 13,426 applicants-OWWA members mula sa tatlong probinsiya hanggang May 19, 2017.
“We’re still in the process of distributing the financial assistance to approved applicants and we hope we can complete the distribution as fast as we could because they need the money to help them recover from their loss,” ani Laranang.
Aniya, ang kanilang grupo ay kasalukuyang nasa Kalinga at tatagal pa ng isang linggo upang masiguro na lahat ng benepisyaryo ay matanggap ang kanilang pera. Pagkatapos ay babalik sila sa Apayao para sa panibagong schedule ng CARE Lawin program.
Ipinaliwanag pa ni Laranang na ang distribusyon ay tumagal dahil ang ibang mga benepisyaryo ay hindi dumalo sa nakatakdang araw ng pamimigay dahil sa iba’t ibang kadahilanan.
Nais ng OWWA na matapos ang pamimigay ng mahigit P3,545,000 na financial aid para sa mga natitirang 3,565 aprubadong aplikante bago pa dumating ang panahon ng tag-ulan.
“We hope we can finish this before the rainy season because it’s difficult to travel and we’re also looking for the safety of our employees,” pagtatapos ni Laranang. Dionisio Dennis Jr./PNA / ABN

Amianan Balita Ngayon