MAYSA PAY A MARCOS NANGIPILA ITI COC KAS KONGRESISTA ITI 1ST DISTRICT TI ILOCOS NORTE

October 10, 2021 Headlines

SIUDAD TI BAGUIO – Nangisubmitir ni Ferdinand Alexander “Sandro” Marcos, inauna nga anak a lalaki ni Ferdinand “Bongbong” Marcos Jr. a kandidato kinapresidente iti certificate of candidacy para congressman iti umuna a distrito ti Ilocos Norte idi Huebes, Oktubre 7.
Kinuyog dagiti nagannakna ken kabsat, agraman ni kasinsinna a ni Ilocos Norte Gov. Matthew Joseph Manotoc, nagyaman iti ubing a Marcos kadagiti supporter daytoy a siraragsak a simmabat apaman iti iruruarna manipud maikadua a kadsaaran iti Provincial Comelec office.
“I would like to thank everyone for their unending support and rest assured that I am devoted to making the lives of our kakailians better. This is only the beginning,” kunana iti maysa nga ambush interview. Iti agtawen ti 27 a Marcos nga nagun-odna iti master’s degree ti Development Studies manipud iti London School of Economics and Political Science, ket mainanama nga agtaray kontra agdama a kongresista ti umuna a distrito ti Ilocos Norte Ria Christina Fariñas, anak a babai ni dati a majority floor leader ken congressman Rodolfo Fariñas.
Suportado iti agdama nga administrasion ken dagiti mayor ti Ilocos Norte, inyebkas ti ubing a Marcos iti panagtalekna nga iti possible a kasayaatan a wagas nga tumulong kadagiti tattao ti Ilocos Norte ket makatugaw daytoy iti maysa a tugaw iti Kongreso.
Sakbay iti pangpila iti kandidaturana, nadutukan ni Sandro kas economic consultant ti gobyerno ti Ilocos Norte. Kanayon a makitkita daytoy kadagiti gimong kadagiti lokal a lider bayat iti pannakipasetna iti panagibunong ti gobyerno ti Ilocos Norte iti relief assistance kadagit apektado ti Covid-19 nga agindeg kas kadagiti personal protective equipment ken livelihood packages, ken dadduma pay.
Nagserbi met daytoy kas maysa a political affairs officer ti ulitegna a ni House Majority Leader Leyte 1st District Rep. Martin G. Romualdez, iti nasurok a dua a tawen.
(LA-PNA/PMCJr.-ABN)