Mga biktima ng paputok sa Pangasinan bumaba ng 17%

January 11, 2019 Provincial

MALASIQUI, Pangasinan – Nakapagtala ang Pangasinan Provincial Health Office (PHO) ng 34 kaso ng biktima ng paputok mula Disyembre 21, 2018 hanggang Enero 1 ngayong taon na 17 porsyentong mas mababa kumpara sa nakaraang taon na 41 kaso.
Nakatanggap din ng ulat ang PHO na isang 29 taong gulang na lalaki ang naging biktima ng stray bullet sa Barangay Malimpuec, Basista. Kinilala ang biktima na si Jose Marie Baniqued na tinamaan ng ligaw na bala sa kaniyang kanang hita noong Disyembre 31 na tumangging magpa-ospital.
Sinabi ni Dr. Anna Teresa De Guzman, provincial health officer na ang pinakamataas na bilang ng nasugatan ay naitala noong Martes (Enero 1) mula nang umpisahan nilang magmonitor noong Disyembre 21, 2018.
“Twenty-six of the total number of incidents were active victims, meaning they were the ones who used or lit the firecrackers while eight cases were passive victims,” pahayag ni de Guzman.
Ang mga paputok na sanhi ng pagkakasugat ay ang mga kwitis (pito), boga (apat), bawang (apat), triangle (tatlo), mixed firecrackers (tatlo), pla-pla (dalawa), piccolo (dalawa), luces (dalawa), baby rocket (dalawa), 5-star (dalawa), whistle bomb, fountain at isang di pa alam na klase ng paputok.
“Most of victims are between 15 to 19 years old. The youngest victims are between one to four years old, while the oldest is 75-year old,” ani de Guzman.
Dagdag pa ni De Guzman na 24 sa kabuuang bilang ng mga biktima ay nagtamo ng sugat sa mga kamay; apat ang tinamaan sa mata; tatlo sa kanilang mukha; dalawa sa kanilang dibdib at isa sa tuhod/paa.
“All blasting and burns, but there were no amputations and no mortality,” ani de Guzman.
Sa kabila nito ay natutuwa pa rin ang PHO sa mababang bilang ng mga biktima.
“We are hoping that the number of firecracker victims will continue to decrease as the years pass by,” dagdag ni de Guzman.
Samantala ay sinabi ni Dr. Estachis Niel Espino, department head ng Pangasinan Provincial Hospital (PPH)-Emergency Room noong Miyerkoles (Enero 2), na ang mababang kaso ay dahil sa epektibo at walang-humpay na kampanya ng DOH laban sa paggamit ng mga paputok.
“Another reason is that because firecrackers have now become expensive,” ani Espino.
Nananatiling nasa full alert status ang PHO.
PNA/ABN