Mga Maranaw, nagpatulong kay PDuterte sa Imam na pinaslang sa Baguio
LUNGSOD NG BAGUIO – Tinatayang 5,000 Maranaw sa Marawi City at Lanao del Sur ang nagkatipon sa Matampay, Marawi City noong Linggo (Disyembre 16) para humingi ng katarungan at pamamagitan ni Pangulong Rodrigo Duterte sa pagkapaslang ng isang mangangaral na Muslim sa lungsod noong Disyembre 6.
Ayon kay Agakhan Sharief, isang pinuno ng mga Moro sa Lanao del Sur, wala pang natanggap ang Muslim community na konkretong update sa suspek na pumatay kay Bedejim Abdullah, isang Imam na nakatalaga sa Philippine Military Academy.
“Hindi pa malinaw ang motibo sa pagpatay. Sa tarpaulin malinaw ang mukha peru hindi pa natukoy ng Criminal Investigation and Detection Group (CIDG) sa Baguio City ang identity ng kriminal at posibleng hindi taga-Baguio City ang killer,” aniya.
“We are requesting President Rodrigo Roa Duterte for the immediate solution and give justice for the killing of Imam Abdullah, a Muslim preacher,” dagdag nito.
Sinunog din ng mga Maranaw ang isang tarpaulin na nagpapakita sa mukha ng suspek na nakuhanan ng closed-circuit television camera (CCTV).
Samantala, iniulat ni Baguio City Mayor Mauricio Domogan noong Disyembre 18 na ang Muslim community sa lungsod ay nakaipon ng P1milyong pabuya para sa makapagbibigay ng impormasyon sa pagkakakilanlan ng suspek para sa posibleng pagka-aresto nito.
“The muslim community has raised a bounty for the assailant of our Muslim preacher, Bejedim Abdullah, then the city police formed task group Bedejim who are doing their best to solve the case,” sabi ng mayor.
Si Bedejim ay pinagbabaril habang naglalakad patungo sa Kayang Business Center sa Kayang Street dakong ika-11 ng umaga ng Disyembre 6. Nagtamo ito ng dalawang tama ng bala sa ulo at tatlo sa katawan. Hindi na ito umabot nang buhay sa ospital.
Sinabi rin ng mayor na nagpatawag siya ng pulong sa mga pinuno ng Muslim community sa lungsod kasama ang National Commission on Muslim Filipinos-Northern Luzon sa pangunguna ni legal officer Yaser Guru na nagbigay ng kasiguruhan na hindi nila papayagang may sumira sa maayos at payapang ugnayan na naitatag nila sa iba pang naninirahan sa lungsod bunsod ng pangyayari.
Ang Muslim community sa lungsod ay nagsagawa rin ng prayer rally noong Disyembre 16 sa Melvin Jones Grandstand.
“None in the Muslim community can identify the gunman, whose face was already known. We are asking the public to share the post of the face of the suspect for more people to see and hopefully help identify the person,” ani Domogan.
Kamakailan ay inulat ng lokal na kapulisan na isang .40-caliber Glock na may serial number BEKX695 at dalawang magazines na may 32 live ammunition at isang dummy bullet ang natuklasan kasama ng biktima.
Si Bedejim ay isang mangangaral na tagapagtaguyod ng kaayusan at kapayapaan.
R.UMEL, P.GEMINIANO, PNA/ABN
98% ng mga hotel sa Baguio, okupado na sa bakasyon
January 9, 2019