Mga residente ng Tuba, tutol sa waste transfer station ng Baguio

February 5, 2018 Provincial

TUBA, BENGUET – Kontra ang mga residente ng Tuba sa bagong takbong Baguio garbage transfer station sa kalapit na Barangay Dontogan sa Marcos Highway, na nagsasabing ang pasilidad ay nagdudulot ng panganib sa kalusugan sa mga residente, lalo na sa mga bata.
Nag-umpisang gamitin ng pamahalaang lungsod ng Baguio ang waste transfer station noong unang linggo ng Enero.
Sa municipal resolution ng Sangguniang Bayan ng Tuba ay sinuportahan ng mga opisyal ang petisyon ng Upper Poblacion at iba pang mga residente kontra sa paggamit ng lungsod ng waste transfer station sa isang bahagi ng Dairy Farm sa Barangay Dontogan, Baguio City.
Nakita ng local legislative body ng Tuba, sa pangunguna ni Vice Mayor Clarita Sal-ongan, na “the petition have valid reasons.”
Inendorso din ng Tuba SB ang petisyon sa office of the Environmental Management Bureau (EMB) ng Department of Environment and Natural Resources (DENR)-Cordillera para sa nauukol na hakbang.
Base sa petisyon ng Barangay Upper Poblacion, ang mga residente ng nasabing lugar ay nagsasabing “they are affected by the new staging/transfer station areas of garbage collected from Baguio City.”
Ang mga petitioner ay nagsasabing walang public consultation na isinagawa ang pamahalaang lungsod sa mga residente ng Poblacion, Tuba sa pagtatayo ng garbage staging at transfer station area.
Sa petition paper, ang mga residente ng barangay ay nagsasabing ang staging at pagtatapon sa lugar ay malapit sa kanilang mga tirahan, negosyo, at elementary at secondary schools, kung kaya magdudulot ito ng panganib sa kalusugan ng mga residente, lalo na sa mga mag-aaral.
Inihahayag nila na ang mga naiipong basura ay lubhang makakaapekto sa kapaligiran, lalo na ang natural springs sa lugar na siyang pinagkukunan ng potable drinking water ng mga residente.
Sa isang panayam sa telepono ay sinabi ni Baguio City information officer Dexter See na ang lugar ay pag-aari ng Department of Agriculture (DA) na nagbigay ng pahintulot na magamit ng lungsod.
Aniya, ininderso ng DA-Cordillera ang clearance permit upang magamit ang lugar kay DA Secretary Emmanuel Piñol at hinihintay na lamang ang lagda nito. Ang lugar ay kasalukuyang ginagamit ng lungsod sa tulong ng city contracted hauler na siyang nagdadala ng basura sa engineered sanity landfill sa Urdaneta, Pangasina. P. AGATEP, PNA / ABN