P63.6-M ILLEGAL DRUGS NAKUMPISKA, 32 DRUG PUSHERS ARESTADO SA CORDILLERA
CAMP DANGWA, Benguet
May kabuuang P63,612,372.00 halaga ng shabu,marijuana ang nakumpiska,samantalang 32 drug pusher ang nadakip mula sa pinaigting kampanya laban sa iligal na droga sa loob ng isang buwan sa rehiyon mula Agosto 1-31 Ayon sa ulat ng Regional Operations Division, sa 83 operasyong inilunsad, 60 ang marijuana eradication operations, 12 ang buy-bust operations, lima ang police response, apat ang pagpapatupad ng search warrants, at dalawa ang service of warrants of arrest. Ang lahat ng ito ay nagresulta sa pag-aresto sa 32 drug personalities, kung saan 17 ay nakalista bilang Street Level Individuals at 15 ay nakalista bilang High Value Individuals.
Bukod dito, ang isinagawang operasyon ay nauwi rin sa pagkumpiska ng 166.79 gramo ng shabu, 281,165 piraso ng fully grown na halaman ng marijuana, 2,850 piraso ng marijuana seedlings, 40,110.00 gramo ng tuyong dahon ng marijuana at fruiting tops, at 6,400.00 gramo ng pinatuyong marijuana. kabuuang halaga ng Dangerous Drug Board na P63,612,372.00. Ang mga tagumpay na ito ay sumasalamin sa matibay na pangako ng PRO-CAR sa paglaban sa mga aktibidad ng ilegal na droga at pagtiyak sa kaligtasan ng komunidad sa pamamagitan ng patuloy na pagsubaybay sa mga ilegal na operasyon, para ipakita ang dedikasyon nito sa paglikha ng isang ligtas na kapaligiran kung saan ang mga residente ay maaaring makaramdam ng ligtas at protektado.
Zaldy Comanda/ABN
