Pamilia ti Ilocos Norte nagunggonaan iti Christmas caravan

December 30, 2019 Headlines

SIUDAD TI LAOAG, Ilocos Norte – Nagbalin a napatpateg iti kaipapanan iti Paskua gapu iti panagregalo iti intero a probinsia babaen iti maysa a Christmas caravan nga indanguluan iti Provincial Government ti Ilocos Norte.
Iti uppat-nga-aldaw nga holiday caravan manipud Disiembre 10 angingga 10 ket nagturong sadiay makinamianan a lugar ti probinsia nga buklen ti il-ili ti Pagudpud, Bangui, Burgos, Pasuquin, ken Bacarra nga ginasut a pamilia iti naparaburan. Nakagunodda iti relief packs, grocery items ken medisina.
Iti maikadua a paset ti caravan ket napan idiay il-ili ti Nueva Era, Banna, Marcos, Solsona, Dingras, ken Sarrat. Kabayatanna, naikkan iti gift packages dagiti pamilia sadiay Pinili, Currimao, Paoay, San Nicolas, ken Batac City. Nagpatengga iti caravan sadiay Laoag City.
Dagiti nakagun-od ti Christmas caravan ket dagiti benepisario a pamilia iti Millenium Development Goal nga naikkanda iti medisina, school supplies, snacks, noche Buena packs, ken grocery packs. Naragsakan met dagiti senior citizens iti naawatda nga cakes.
“There is no better time than Christmas for friends and families to come together. May the true meaning of the season fill our hearts and may we appreciate loved ones and share blessings with them,” kuna ni Governor Matthew Marcos Manotoc.
Personal a bimmisita iti ubing a gobernador kadagiti munisipalidad ken siudad kabayatan iti caravan iti panggep nga mangi-paay iti maysa a nalaw-lawag nga panagrambak dagiti pamilia nga Ilokano.
“Sana po ay makatulong sa inyo ito nang kaunti at kumbaga, pampadulas ng Pasko,” kuna ni Governor Manotoc.
 
MJTAB PIA1-IN/PMCJr.-ABN