Mannalon ti tabako iti ili ti LU nakaawat ti water pump

December 30, 2019 Headlines

ARINGAY, La Union – Buklenti 30 nga mannalon ti tabako manipud daytoy nga ili ti nakaawat idi napalabas a Miyerkoles iti baro a water pumps manipud lokal a gobierno ti Aringay.
Indanguluan ni Mayor Eric O. Sibuma ken dagiti miembro ti municipal council iti panakawaras nga pinadayawan dagiti benepisario. Dagiti nagunudan ket 23 nga mannalon ti burley ken native a tabako bayat 7 ket mannalon ti Virginia a tabako.
Kinuna ni Engr. Ben Magno, head iti municipal agriculture office nga dagiti water pumps ket maaramat iti panagdanum iti tabako nga naponduan babaen ti Republic Act (RA) 7171 ken RA 8240. “Kayatmi nga pabillegen iti industria ti tabako ditoy ilimi babaen iti panagted iti direkta a benepisyo kadagiti mannalon,” kuna ni Magno. Kuna na nga iti 30 water pumps ket adda gatadna a PhP 1 milion.
Maysa pay, imbagana nga para daytoy a tawen, nangilatang met iti lokal a gobierno iti maysa pay a PhP1 milion para iti pito a natukoy a mannalon iti Virginia iti nasao a lugar.
Kuna na iti nasao nga gated, agarup PhP600,000 ket para curing barn ken PhP400,000 ket nailatang para iti farm inputs. Sadiay Aringay, agadup 120 mannalon ti tabako iti tultulungan ti lokal a gobierno babaen ti probision ti tulong teknikal, farm inputs ken farm implements.
 
JND-PIA-LU/PMCJr.-ABN