SRPC IMPASIGURONA ITI AGTULTULOY A SUPLAY TI KORIENTE, IRIGASION BAYAT TI EL NIÑO

April 26, 2024 Headlines

SAN MANUEL, Pangasinan

Impasiguro ti maysa nga opisial ti San Roque Power Corporation (SRPC) idi Mierkoles (Abril 24) iti agtultuloy a pannakaited ti alektrisidad iti grid ken iti irrigation system bayat iti agtultuloy nga El Niño phenomenon. Imbaga ni SRPC Vice President for Corporate Social Responsibility Tommy Valdez, iti maysa nga interbiu nga iti planta ti koriente ket madama a mangmangted iti 115 megawatt minimum requirement ti grid bayat a mapataray daytoy iti
mass low rate.

“Tapos na (ang) cropping season and irrigation was not sacrificed,” kinunana. Imbaga ni Valdez nga iti hydro power plant ket napadanumanna iti 36,000 agingga 40,000 ektaria ti daga iti naudi a panawen ti panagmula iti tengnga ti tikag. “Ad-adu ngem ti umdas para kadagiti kasapulan iti irigasion,” kinunana. Imbagana nga iti water level ti reservoir ti dam ket agdama nga adda iti 230.45 meters above sea level (masl), dandani iti kritikal a lebel a 225 masl.

Mabalin pay ketdi a dumteng ti planta iti kritikal a lebel ken ti maintenance shutdown ket mabalin a maaramid inton Mayo 6, nasapsapa ngem iti naikeddeng a maikatlo a lawas ti sumaruno a bulan, ngem impasigurado ni Valdez kadagiti agus-usar ti koriente a daytoy ket normal nga aktibidad para iti planta bayat ti napudot a panawen kaano nga ti enerhia manipud coal-fired power plants ket ad-adu a mapagpannurayan.

“Nabilinnankami nga maaddaan kami iti maintenance shut down iti maysa wenno dua a lawas. Ngem iti re-regulating pond tayo ket agtaray para iti ekolohia ti karayan,” kuna ni Valdez. Imbaga ni Valdez a mangnamnamada iti danum ti todo kadagiti sumaganad a bulan tapno maipangato iti lebel ti reserba ti danum tiempo para iti nabasa a
panawen ti panagmula dagiti mannalon.

(HA-PNA Ilocos/PMCJr.-ABN)