PB ng Pinget, nakiusap para sa maayos na segregasyon sa basura

November 25, 2017 Barangay Amianan Opinion

Napaunlakan nating makapanayam si Pinget Punong Barangay Pablo S. Pawi Jr. sa kanyang tanggapan para alamin ang kanyang mga nagawa sa kanyang panunungkulan bilang pinuno sa barangay.
Kilala si Kapitan Pawi na “small but terrible”. Terible talaga, height doesn’t matter dahil para sa kanya dapat may paninindigan at action agad kung mayron dapat gawin sa barangay ay tinatrabaho na agad ito, palakaibigan rin sa mamamayan ngunit nasa lugar din kung paano maging matapang, anya. Sa kanyang unang termino ay marami na agad pinakitang natapos na proyekto. Simula noong taong 2016 hanggang sa kasalukuyan ay pinaayos nito ang mga pathways, canals at pavement na hanggang ngayon ay pinasemento na rin ang kalsada na mula Dizon, kalkalan hanggang Tam-Awan na pinundohan ng national government para sa proyekto na mula sa BLISTT at umabot sa P51 milyon at inaasahang matatapos sa susunod na taon. Organisado nito katuwang ang kanyang mga kagawad na sina Mario As-Il, Glory G. Taclawan, Luke P. Dawang, Virginia C. Jose, Ciano T. Kadatar, Gabriel A. Bayangdan at Juanito M. Balinag; ang kanyang masisipag na Day Care Workers na sina Jocelyn Widwidan, Teodora Palitayan at Elena Zenaida M. Dicang; Health Volunteers na sina Carmilita B. Ayan, Florence A. Pia, Ruth M. Cuteng at Cecilia Lalican; Street Sweeper na sina Mrs. Domegyay, Rocky Quiao, Norma Biala at Zenaida Tuazon; Barangay Police/Tanod Willy Aben, Magner Tibangay, Rudy Gallawen at Arsenio De Leon; at ang Barangay Lupon – Victor Balidoc, Venancio Butay, Narciso Dongla, Joseph Dumngal, George Gacawen, Franklin Dumaligan, Elena Julian at Benedicto Tecan.
Aktibo rin si kapitan sa lahat ng mga activities na ginagawa ng Pinget High at Elementary School. Kamakailan lang ay naging panauhin si kapitan sa isinagawang Children’s Summit na dinaluhan ng Pinget Barangay Council for the protection of children na pinangunahan ni Police Chief Inspector Gil B. Imado, ang pinaka-tema nito ay “Bata: Iligtas sa Droga”.
“Naging maayos rin ang pagpapatupad ng peace and order at layunin namin mamintina ang zero crime program na kung saan ay lahat ng krimen at illegal na gawain ay agad namin ipinaparating sa pulis upang maaksiyonan agad.”
“Ang primerong problema namin ay hindi naipapatupad ang segregation ng basura sa araw ng pagtatapon kaya nakikiusap ako sa aking ka barangayan na pagtiyagaan naman natin sana maihiwalay ang nabubulok sa di nabubulok na basura sa bahay pa lang ay gawin na natin ang segregation. Maglaan tayo ng dalawang garbage bag na para sa di nabubulok at yung isa ay para sa nabubulok upang hindi tayo ang lagi na lang sinisita ng mga kaibigan nating matiyagang maagang nangungulekta ng ating mga basura,” pakiusap ni kapitan.
“Sa kabuuan na populasyon ng barangay Pinget ay umabot na sa 7,861 ngayon kaya nagpatupad rin kami ng “Oplan Aro” ang pagbabaklas ng plaka ng sasakyan sa mga nagpa-park na may “No Parking sign”. Ipinakiusap ko sa mga private vehicles na huwag i-park ang kanilang sasakyan sa main road, both sides, pwede nila i-park sa mga kalsada na pinagsangahan upang di makaabala kung may emergency mang mangyari.”
“Ipinatupad ko na rin ang Barangay Ordinance na Closing time ng stores at Computer Shop ng 9:30pm upang walang maghangad na uminon ng alak sa store, ipinagbabawal namin ito upang di pagmulan ng gulo at ang curfew hour din sa minor ay simula 7pm hanggang 5 am.”
“Ipinatupad na rin namin ang Aso ko, Tali ko at ang Tapat ko, Linis Ko. Kapag may nakita kaming mga aso na gumagala sa kalsada ay hinuhuli namin ito at dinadala namin sa Slaughter Compound upang dun na nila tutubusin, P50 bawat araw hanggat di pa nila tinutubos ay lumalaki ang kanilang babayaran, kaya lagi naming ipinanawagan sa mga residente na itali nila ang kanilang mga aso.”
“Ngayon kung sakaling may nasagasaan na aso sa kalsada ay hindi nito pananagutin ang driver dahil ang kalsada ay para sa sasakyan, hindi para sa mga galang aso, kaya itali nyo ang aso o ikulong sa loob ng compound niyo lang,” pakiusap ni Kapitan Pawi.
 

Ni: Mario D. Oclaman, mobile # 09473472254