Pinakamalaking tipak sa 2019 budget ng Baguio, inilaan sa GSO

November 10, 2018 Metro BLISTT

Ang General Services Office sa lungsod ang may pinakamalaking bahagi sa pondo na P315.8 milyon mula sa mungkahing P2.175 bilyon na 2019 annual budget ng pamahalaang lungsod.
Pumangalawa ang non-office allocations sa P290.3 milyon na sinusundan ng 20 percent local development fund ng lungsod na nagkakahalaga ng P179.4 milyon at ang City Engineer’s Office na pinaglaanan ng P174.7 milyon.
Ang City Health Services Office ay may P166.3 milyon budget habang ang Sangguniang Panlungsod o City Council ay may proposed budget na P117.2 milyon.
Mahigit P98.1 milyon ang inaasahang pupunta sa City Environment and Parks Management Office (CEPMO) at ang 6 porsyentong City Disaster Risk Reduction and Management Fund ay paglalaanan ng P91.6 milyon.
Ang City Mayor’s Office ay may P85.1 million budget; City Treasurer’s Office, P80.6 million; City Buildings and Architecture Office (CBAO), P67.1 million; Department of Education-Division of City Schools, P57.7 million; City Social Welfare and Development Office, P52.7 million; City Administrator’s Office, P52.3 million; City Veterinary Office, P43.8 million; City Budget Office, P31.6 million; City Human Resource Management Office, P28.1 million; Bureau of Fire Protection, P27.7 million; Baguio City Police Office (BCPO), P27.3 million; City Assessor’s Office, P24.8 million; City Accounting Office, P23.1 million; City Planning and Development Office, P20.7 million; City Legal Office, P20.3 million; Local Civil Registry Office, P15.5 million; Closed Circuit Television project, P15 million; assistance para sa Baguio General Hospital and Medical Center (BGHMC), P12.6 million; City Disaster Risk Reduction and Management Office, P11.3 million; City Library, P8.9 million; Computerization Program, P7.9 million; Regional Trial Court, P6.3 million; Bureau of Jail Management and Penology-Male Dormitory, P5.5 million; City Prosecutor’s Office, P5.1 million; Municipal Trial Courts, P3.1 million; Administrative Order No. 504 Clearing Committee and land titling, P2.1 million; Bureau of Jail Management and Penology-Female Dormitory, P2.1 million; Commission on Audit, P1.5 million; Public Attorney’s Office, P600,000; at ang Parole and Probations Office, P250,000.
Sinimulan ng konseho ng lungsod ang pagtalakay sa mungkahing annual budget noong Lunes, Nobyembre 5, at magpapatuloy pa ang committee at plenary deliberations sa November 12 at 19 bago maaprubahan ang budget sa pagtatapos ng kasalukuyang taon upang maiwasan ng lungsod ang re-enacted budget sa 2019.
Ang mga konsehal ay inatasan na talakayin ang mga budget na ipinasa ng bawat departamento sa kanilang committee hearings para sa rekomendasyon na tatalakayin ng city council en banc bago maaprubahan ang budget ng lokal na pamahalaan para sa 2019. BAGUIO PIO / ABN