PNP, PDEA NAKAKEMMEG ITI DRUG SUSPECTS, DINADAEL PLANTASION TI MARIJUANA IDIAY REHION 1

October 21, 2022 Headlines

LINGAYEN, Pangasinan – Iti nagsina a nagkuyog nga operasion dagiti manangipatungpal-linteg nga ahensia ket nangituggod iti pannakaaresto iti dua a highvalue target drug personalities, ken iti pannakatakuat ken panangdadael iti plantasion ti marijuana idiay Rehion 1. Bayat dagiti buy-bust operation nga inaramid iti Pangasinan Police Provincial Office (PPO) ken iti Philippine Drug Enforcement Agency
(PDEA), agraman iti lokal a polis ti Urdaneta City iti nabiit, naaresto da Tianes Rouch y Deligero ken Jomari Dalina y De Jesus sadiay Brgy. Nancayasan.

Innaganan ni PDEA Ilocos regional director Ronald Allan Ricardo isuda kas highvalue target drug personalities. Agarup 500 gramo iti masuspetsa a kush nga addaan mapattapatta a gatad a PhP1,500,000; agarup 100 gramo ti nagango a bulong ti marijuana nga aganay nga aggatad iti PhP12,000; maysa a four-wheeled a lugan; maysa a mobile phone; driver ’s license; ken buy-bust money iti nakompiskar bayat iti
operasion.

Imbaga ni Ricardo nga sanguen dagiti masuspetsa dagiti darum nga pananglabsing iti Comprehensive Dangerous Drugs Act of 2002. Iti sabali a bangir, agarup 10,000 naan-anay a dadakkelen a mula a marijuana iti pinarot ken dinadael, agraman iti 1,000 parusing a marijuana, ken lima a kilo iti nagango a saringit bayat iti marijuana eradication operations nga insayangkat iti La Union PPO, PDEA, ken dagiti lokal nga autoridad sadiay Sitio Sagingsing, ili ti Santol. Dagiti nasao nga maiparit a droga ket natingiting nga addaan iti appraised value PhP2,665,000 bayat nga awan a masuspetsa iti natukoy.

(CGRC PIA Region 1/PMCJr.-ABN)