Pres. Duterte inaasahang dadalo sa Sillag Fest 2017

April 1, 2017 Provincial

SAN FERNANDO, LA UNION – Inaasahan ang pagdalo ni Pangulong Rodrigo R. Duterte bilang pangunahing panauhing pandangal sa gaganaping tatlong araw na Sillag Festival sa April 7 hanggang 9, 2017.

Sa panayam ng Amianan Balita Ngayon kay PPMC President and CEO Felix S. Racadio sa ginanap na press conference and final coordination meeting noong March 28 (Tuesday) “personal kong pinuntahan at nabigyan ng liham sa tanggapan ng pangulong Duterte para sa imbitasyon natin bilang our guest speaker sa event ng ating festival, inaasahan ko ang kanyang pagdalo kung magkaroon ng pagkakataon na wala siyang ibang appointment sa araw ng ating festival.

“Kailangan rin makita ng Pangulo ang progresibo ng ating festival na anim na taon na natin pinapatakbo ito kaya siguro ay mas lalo pa natin higit na pagbutihin na mapaganda at maging kaakit-akit ang mga presentasyon ng ating program at activities sa tulong at pagkakaisa na rin mula sa ating mga kababayan, residente, negosyante at government agencies upang mapataas pa natin ang antas ng turismo sa lungsod ng San Fernando, La Union,” saad ni Racadio.

Dinaluhan ng iba’t ibang sektor ng gobyerno, pribadong establisimyento, military police at ng tri-media para talakayin ang pinakahuling programa ng pagdiriwang ng ika-6 na taon Sillag Poro Point Festival of Lights 2017.

Ayon kay PPMC VP for Airport Management Josefa Catherine T. Bada, “In line with this Sillag Festival we’ll share with you the final program and activities and at the same time to seek your strong support which have generally extended to Poro Point Management Corporation for the past five years.”

Aniya, noong 2012 ay inilunsad ang Sillag Poro Point Festival of Lights upang i-promote ang anim na ektaryang lighthouse area at “to attract domestic and foreign tourists to raise a mass market and to research business and commerce in San Fernando City and the province of La Union.”

“Noong nakaraang taon ay umabot sa 120,000 tourist guest spectators ang sumaksi at nakisaya sa festival at inaasahan natin ngayong taon na mas marami pa tayo maiimbita mula sa ibang karatig probinsya ng Ilokos at mga dayuhan mula sa ibang bansa,” ani Bada.

Sa unang araw, April 7 (Friday) ng 6am-1pm ay idaraos ang SILLAG Golf Club sa The Cliffs (The Thunderbird), 3pm-4pm isasagawa ang Holy Mass sa PPMC Conference Room, bubuksan naman ng 4pm ang magkakasunod na activities hanggang April 9 ang Sillag delights (Trade and Food Fair, Bonzai Competition and Suiseki Exhibit, Children’s Playgorund, Car Show, Static Display na itatanghal sa SILLAG Village (Poro Point Baywalk Area), Open House of Flying School ng Leading Edge International Academy Inc sa San Fernando Airport, Performance of Band at ZUMBay (Zumba by the Bay).

Magsisimula ng 6pm-8pm ang Sunset Run for Hope (Fun Run) mula sa Sillag Village Poro Point Baywalk area to Poro Point Lighthouse, Thunderbird Hotel pabalik sa Sillag Village.

Sisimulan naman ng 8pm-9pm ang Lighting of Sillag Village, Torch Run, A Thousand Lanterns for a Thousand Dreams (Hope Lantern Ceremony) at Awarding.

Magtatanghal naman ng concert ang banda ng Cueshe, April 8 (Sabado) sisimulan ng 6am onwards ang Fluvial Race (Lumba ti Bilog) sa San Fernando seaport, Kite flying competition, Sky Diving, Street dancing competition with light emitting costumes at concert band ng HALE.

Sa huling araw ng aktibidad ay sisimulan ang Air Show, Children’s show COSPLAY, Assembly of floats for the lights Parade, Lanterns by the Bay-Lights Parade, Firebirds and Pyromusical Show at concert ng Callalily band. ABN