Sasakyan ng magsasaka, ninakawan ng estudyante
Ninakawan ng estudyante ang sasakyan ng magsasaka bandang 3am ng November 27 sa kahabaan ng Km. 51, Paoay, Atok, Benguet.
Ayon sa imbestigasyon, pilit na ninakaw ang side rear windows, back chair, front lock assembly at shifting handle ng pulang Tamaraw FX ng biktimang si Art Douglag Palcong Angway, 35 anyos, magsasaka, at residente sa nabanggit na lugar.
Ayon kay Jonathan Naag, kapitbahay ng biktima, narinig niya diumano ang insidente at nakita ang isang lalaking tumakbo patungong timog na direksiyon at binaybay ang kalsada.
Agad niya diumanong ipinaalam sa biktima ang pangyayari at sinundan ang lalaki. Habang naghahanap, nakita ni Naag ang suspek na si Cesar Lecwadey Antonio, 25 anyos, single, estudyante at residente ng Balili, Mankayan, Benguet, na nagtatago sa ilalim ng nakaparadang sasakyan sa kalsada. Hinuli nila ang suspek at tinurn-over sa Atok MPS.
Narekober ang mga ninakaw na items sa loob ng Tamaraw FX ng suspek na may plakang UCP 860 na nakarehistro kay Emelita Davadlla ng San Jose, Navotas.
Ang sasakyan at mga ninakaw na gamit ay dinala sa Atok MPS para sa safe keeping at dokumentasyon. Ang kaso ay iniimbestigahan pa rin.
2 sundalo, sugatan sa bagong labanan ng AFP-NPA sa Abra
November 26, 2017
Armas, isinuko sa Mountain Province
December 2, 2017