Sen. Sotto inupakan ng mga kababaihan

May 7, 2017 Daplis Walang Mintis Opinion

Sumulak ang dugo ng maraming kababaihan (in particular) kay Sen. Tito Sotto kamakailan dahil sa iysu ng salitang: ‘NA-ANO LANG’! Hayagang binatikos ng Gabriela Partylist ang pahayag na ito ni Sotto kay DSWD Sec. Judy Anne Taguiwalo kaugnay sa pagiging single parent nito. Nangyari ito sa gitna ng hearing ng CA – Commission on Appointments, kamakailan. Sa naturang confirmation hearing, tinanong diumano ni Sen. Sotto si Sec. Taguiwalo kung siya ay single, dahil nakalagay sa personal information sheet nito na meron siyang dalawang anak. Ipinaliwanag naman ni Sec. Taguiwalo na hindi naging normal ang kanyang buhay lalo pa at minsan na itong dinakip dahil sa pagsapi diumano sa makakaliwang grupo. Dito na umupak ang senador: “In the street language, when you have children and are single, ang tawag doon ay “na-ano lang!” sagot naman ni Sec. Taguiwalo, siya’y guro ng women’s studies sa University of the Philippines at kanilang nirerespeto ang anomang estado ng pamilya, kabilang na ang mga solo-parents. Bumawi naman si Sotto at humingi ng paumanhin: “So I don’t think there should be any big fuss about it. That’s why and premise ko, ang sabi ko – in the street language, hindi ba, yun ang biruan sa kalsada? Kung minasama nila, eh, di I’m sorry, I apologize. They don’t understand the joke.” Yan ang paliwanag ng senador sa mga nainsulto umano sa kanyang biro na maaaring hindi lang aniya naunawaan. Sa punto ng Gabriela, sinumang solo parent ay hindi nararapat na insultuhin tulad ng ginawa ni Sen. Sotto kay Taguiwalo.

******

Inulan ng masasakit at maaanghang na mga komento sa masa ang salitang ginamit ni Sen. Sotto. Lantaran daw na isa itong pangmamaliit at pang-iinsulto sa solo parents. Hindi naman daw kasalanan ng mga solo parent ang kanilang sinapit. Dapat nga raw ay unawain at kaawaan pa sila dahil sa kanilang sinapit lalo na yung mga biktima ng rape o pangmomolistiya. Meron ding mga solo parent ang basta na lamang iniwan ng iresponsableng lalaki matapos maanakan. Ngayon, biktima na nga sila, sila pa ang ipinapahiya sa lipunan. Marami pang matitinding batikos ang nagpalipat-lipat sa mga tsismisan corners ng lipunan kontra Sen. Sotto.  Sabi pa nga ng isang analyst: makakaapekto raw ang ginawa ni Sotto sa kanyang poltical carreer. Marami ring bumanat na hindi naman daw busilak na malinis ang angkan ng senador kaya di dapat siyang manliit o mang-insulto sa mga kababaihan. May nagpasaring pa nga: bakit, hindi ba babae ang ina at asawa ni Sotto at ganyan ang kanyang pananaw kahit pa pabiro? May nagbanta pa na makakarma raw si Sotto pagdating sa susunod na eleksiyon. At marami pang mga komentong humahanga naman sa katatagan ni Sec. Taguiwalo. Maalaala na hindi pa tapos ang kumpirmasyon kay Taguiwalo, habang sinusulat ang espasyong ito.

******

Dahil sa katabilan ng dila ni Sen. Sotto, nagpiyesta tuloy ang maraming Pinoy sa mga buhay-artista. Dahil isang artista raw ang senador, malamang kaysa hindi ay maaring may mga naka-relasyon daw ito na maaaring nagbunga. At kung susuriin, sabi ng iba, marami ring mga artista ang naging solo-parents sa ngayon. Ang isang ehemplo ay walang iba kundi si Ms. Kris Aquino. Solo parent din siya gaya ng iba pang sikat na artista. Hindi naman sila nilalait, di ba pards? Hindi naman daw sila ini-insulto. Bakit nagawa daw ni Sotto na insultuhin si Sec. Taguiwalo? May bumulong: kasi daw ay hindi artista si Sec. Judy Anne. Tsk tsk, buhay nga naman. Sabi nga ng mga damatan: galangin ang iyong kapwa, maging sino pa man ito, upang ikaw ay igalang din nila. Amen. Adios mi amor, ciao, mabalos!