Tanggapan ng LTO at LTFRB, hiwalay na
LUNGSOD NG BAGUIO – Epektibo na ang hiwalayan ng Land Transportation Office at Land Transportation Franchising Regulatory Board sa rehiyon ng Cordillera noong ika-1 ng Marso 2018.
Kaugnay ito sa pagbisita nina LTO Asec. Edgar Galvante, LTFRB board member Aileen Lizada at Usec. Tim Orbus ng Department of Transportation- CAR noong Pebrero 22, 2018 upang ipaalam ang Department Order No. 2018-003 na pinirmahan ni Sec. Arthur P. Tugade kung saan magkakaroon ng hiwalay na panrehiyong tanggapan, badyet, at kagawaran ng departamento ang LTO at LTFRB.
Ito ay pagtugon sa dumaraming transaksyon, isyu at mga alalahanin na hindi na kayang tutukan ng iisang departamento, upang makamit nang husto ang mga utos at layunin nito.
Ayon kay DoTr-CAR Assistant Regional Director-Mohammad Nasser Abbas, magdudulot ito ng magandang pagbabago dahil mas matututukan na ng maayos ang kanya-kanyang trabaho. Dagdag pa niya, magbubukas ito ng opurtunidad sa mga gustong magtrabaho dahil may mahigit 50 bakanteng posisyon ang pwedeng aplayan.
Pansamantalang mananatili sa kanilang mga posisyon ang dating nakatalagang opisyal habang inaantay ang desisyon ng LTO Chief/ LTFRB Chairman para sa mga itatalagang mamumuno dito. Ang LTO-CAR at LTFRB- CAR ay pamumunuan ng bawat isang Regional Director na tutulungan ng Assistant Regional Director. KRISTINE MAE L. PASYAN, UB Intern
Programang pangkalusugan, isinagawa ng PHO
March 2, 2018
Mga operator ng drop ball, puntirya ang mga lamay
March 2, 2018