Anti-illegal fishing campaign ti Bauang, mapapigsa

March 25, 2017 Headlines

BAUANG, LA UNION – Kiniddaw tai lokal a gobierno kadagiti amin a mangngalap a tumulong dagitoy a lumaban iti maiparit a panagkalap.
Daytoy ket impauna ni Mayor Eulogio Clarence Martin P. de Guzman III kabayatan ti naisayangkat a Gobyernong Abot ang Barangay (GABAY) sadiay Barangay Taberna, Bauang.
“We have to fight illegal fishing just as we fought illegal drugs in our municipality,” kinuna ni de Guzman.Tignayen ti Bauang LGU ti Municipal Aquatic Resource Council tapno mangparmek iti illegal fishing. Maipasidong daytoy a programa iti MENRO, Municipal Agriculture Office ken iti pannakitinnulong dagiti 14 a coastal barangays.
Mainaig iti daytoy, kinuna ti kapulisan, iti panangidaulo ni Major Joel Lagto a contender iti National Search for Outstanding Policeman of 2017, ket uppat a mangngalap ti natiliw a mangus-usar iti maiparit a wagas ti panagkalap kas ti dinamita.
“No one is forgiven if one has committed a crime against the law,” impaganetget ti mayor.
Kiniddaw pay ti mayor ti pannakitinnulong ti PNP, Maritime ken dagiti kapitan ti barangay. Namnamaen ni De Guzman nga iti masakbayan ket makaawat ti Bauang iti GAWAD SAKA award.
“I challenge the fishermen to be responsible and to continue looking for alternative livelihood to augment their income. Take care of our environment especially our bodies of water,” innayonna pay. Bauang PIO / ABN