NTF-ELCAC NANGIBANGON ITI HEALTH CENTER, FARM-TO-MARKET ROADS IDIAY ILOCOS SUR

May 13, 2023 Headlines

STA. LUCIA, Ilocos Sur

Babaen iti Support to Barangay Development Program (SBDP) iti National Task Force to End Local
Communist Armed Conflict (NTF-ELCAC), lima a nakompleto nga infrastructure project iti nayawat kadagiti agindeg ti Santa Lucia, Ilocos Sur kalpasan iti inagurasion daytoy idi Mayo 5.
Naipaayan iti maysa a dua kadsaaran a barangay health center bayat a dagiti barangay iti Suagayan ken Conconig East ket naibangonan iti dua a farmto-market road tunggal maysa.

Iti maysa nga interbiu, imbaga ni Dominador Agustin, Punong Barangay ti Buliclic, nga iti health center ket tumulong a mangited kadagiti agindeg iti nalaklaka a pannakagun-od iti panangtaripato iti salun-at nangnangruna kadagiti senior citizen a di makabael nga agbiahe a mapan iti maysa nga
ospital wenno klinika. “Kaniami ditoy Buliclic, dakkel a banag daytoy ta ngamin agitoy senior ditoy
narigat ngamin ag-biyahen a mapan didiay hospital iso a nag-paaramid nak for emergency health center,” kuna ni Agustin iti maysa nga interbiu.

Segun iti Department of the Interior and Local Government (DILG), aggatad iti health center iti PhP2-million. Tapno makompleto iti PhP4-million a nailatang tunggal barangay, imbaga ni
Agustin a kiniddawda iti pannakaipatakder iti maysa a water system gapo ta narigat para kadagiti residente a makagun-od iti umdas a natalged ken nadalus a danum iti inaldaw nangnangruna iti
panawen ti kalgaw. Nu man pay madama iti agduduma a proseso iti pannakaipatungpal ti proyekto,
mangnamnama ni Agustin a maited iti kiddawda ken maipaayanda iti natalged a suplay ti danum a
magunggonaan iti nasurok 500 nga agindeg ditoy.

Dinayaw ni Director Monico Batle iti NTF-ELCAC iti dedikasion ti local government unit ken dagiti opisial iti DILG ken staff para iti epektibo a pannakaipatungpal ladagiti proyekto “Nakakatuwa kasi nga of all the barangays nationwide, ito ang una nating iinaugurate sa Barangay Buliclic, Barangay Suagayan, at Barangay Conconig East. Iyong financial record ng Region 1 ay napakaganda. Sa lahat ng regions nationwide, Region 1 pa lang ang nakaka100% na disbursement rate, ibig sabihin ang pondo na nabigay sa Region 1 ay nagamit lahat para ma-implement mga proyekto,” kuna ni Batle.

Sadiay Ilocos Sur, adda 27 barangay a benepisario para iti fiscal year 2022 SBDP project allocation.
Agdagup iti 43 proyekto iti napondoan – 20 iti nakompleton bayat nga 18 proyekto iti madama.

(JMCQ, PIA Ilocos Sur/PMCJR.-ABN)