DATI A REBELDE ITI REHION 1 KADUA TI GOBIERNO KONTRA INSURHENSIA

July 25, 2021 Headlines

SIUDAD TI BAGUIO – Kaduan iti gobierno dagiti dati a rebelde (FRs) ti Region 1 tapno maparmeken iti insurhensia iti pananggun-od iti
pudpudno ken manayon a talna ditoy pagilian.
Iti maysa a simple nga seremonia bayat iti Bike for Peace and Justice nga naaramid idiay Pangasinan idi Sabado (Hulio 17), nagyaman iti uppat a dati nga rebelde iti gobierno a idangdanguluan ni Presidente Rodrigo Duterte iti panangtulong kadakuada ken panang-awat manen kadakuada iti kagimongan nga sadino nga agbibiagdan a natalged ken natalnan.
Ni Ka Devon nga nangibagi kadagiti dati nga organisasion dagiti rebelde idiay Region ti Ilocos, imbagana a nagdesision daytoy nga agsubli iti dasig ti gobierno gapu ta nakitana iti kinaawan hustisia ken awan mamaayna a panangpapatay nga araramiden dagiti communist terrorist groups kadagiti awan gawayna a sibilian “Umiiyak kami bilang mga former rebels dahil ang aming pinaniwalaan noon ay puro pala kasinungalingan.
Ang sinasabi namin nuon ay maglingkod sa sambayanang Pilipno, hindi ‘yung pumatay sa walang kasalanan,” Kuna ni Ka Devon iti pagsasao nga Tagalog.
Innayonna nga dagiti kari iti rebelde a grupo nga mangipaay iti naimbag a biag kadagiti miembro daytoy ket ulbod ken usarenda laeng dagiti miembroda nga agimula ti buteng ken mangpapatay iti padada a Pilipino.
“Dahil natuklasan namin na mali na ang ginagawa ng komunista, kami po ay nakiikiisa sa inyo ngayon at nagsasabi na huwag na nating tangkilikin ang komunistang kilusan,” kunana pay. Dagiti sabali pay nga FRs a da Romulo Manzano, Salvador Monje ken Ronald Pascasio ket kinunada a nakitada iti panagbaliw ditoy pagilian nga ipatpatungpal dagiti ahensia nga mangipatpatungpal iti linteg a nanggargari kadakuada nga isuko ti ulbod a pammatida.
“Yung tulong ng gobyerno, umaabot na sa amin ngayon. Dahil tuluy-tuloy ang pagbabago, wala pong tutunguhan ang NPA kundi magbalik loob. Nakikita nila kung ano ang ginagawa ng gobyerno para maresolba ang kaguluhan sa bansa,” kuna ni Manzano.
Impadanon dagiti FRs iti pannakipagladingitda iti pamilia Absalon nga dagiti agkasinsin a Keith ken Nolven Absalon ket napapatay idi bimtak iti maysa nga improvised explosive device iti maysa a landmine sadiay Masbate City.
Babaen ti Executive Order No. 70 ni Presidente Duterte idi 2018, iti whole-of nation approach ket nayussuat tapno magun-od iti saklaw ken mataginayon a kapia, panagpataud iti maysa a national task force to end local communist armed conflict
(VHS-PIA Pang/PMCJr.-ABN)