13 WANTED PERSON ARESTADO SA CORDILLERA

December 9, 2023 Headlines

LA TRINIDAD, Benguet

Labing-tatlong katao na wanted sa batas ang nadakip sa isang linggong manhunt operation sa Cordillera mula Nobyembre 26 hanggang Disyembre 2. Naitala rin ng Police Regional Office Cordillera ang zero crime incident sa 65 munisipalidad sa rehiyon sa parehong panahon. Naitala ng Benguet Police Provincial Office ang pinakamataas na bilang ng mga naaresto na may anim na
wanted, na sinundan ng Baguio City Police Office na may tatlong naaresto;Abra PPO na may dalawang naaresto; Ifugao PPO at ang Mountain Province PPO na may tig-isang arestuhin.

Sa mga pag-arestong ito, limang indibidwal na nakalista bilang MWP ang most wanted personalities sa Municipal Level. Dahil sa pinaigting na presensya ng mga pulis, 65 munisipalidad sa iba’t ibang lalawigan ng rehiyon, kabilang ang tatlong istasyon ng pulisya sa Baguio City, ay nananatiling mapayapa, dahil naitala ng PRO Cordillera ang zero crime incident sa mga lugar na ito sa parehong linggo.

Zero crime incidents ang naitala sa 25 munisipalidad sa Abra; siyam na munisipalidad sa Benguet; limang munisipalidad sa Kalinga; siyam na munisipalidad sa Ifugao; pitong munisipalidad sa Apayao; at 10 munisipalidad sa Mountain Province. Sa Baguio City, naitala rin ng Camdas Police Station (PS 2), Aurora Hill PS 6, at Kennon PS 8 ang zero crime incident sa 10 police stations sa lungsod.

ZC/ABN