Anti-drug orientation, indanguluan ti TESDA-Baguio

June 15, 2019 Headlines

SIUDAD TI BAGUIO – Naangay iti maysa nga antidrug orientation para kadagiti iskolar ti gobyerno nga indanguluan ti Technical Education and Skills and Development Authority (TESDA) ken iti pannakisugpon ti Philippine Drug Enforcement Agency (PDEA) tapno masiguro nga maited ti gobyerno iti holistic training idi napalabas nga Martes.
“Maitunos iti panggep ti administrasion ni Presidente Duterte nga dalusan iti pagilian iti iligal nga droga, maysa nga orientasion ti pannakaawat iti droga iti naangay sadiay Baguio City School of Arts and Trades (BCSAT) tapno ipakaammo kadagiti iskolar ken empleado maipapan iti dakes nga epekto ti panagusar iti droga,” kuna ni Vilma Toralba, BCSAT information officer.
“Addaan 130 trainees wenno iskolar ti TESDA ken 12 nga empleado iti dimngeg ti lektiur,” kunana.
Kinuna ni PDEA-Cordillera Administrative Region (PDEACAR) information officer Rosel Sarmiento nga karaman iti orientasion iti panagusar, panagikut, pannakaibiahe, ken pannaglako kadagiti iligal nga droga, Republic Act 9165 wenno Comprehensive Anti- Dangerous Drugs Law of 2002, dagiti nadumaduma a kita ti iligal nga droga ken dakes nga epekto dagitoy iti bagi dagiti agususar iti iligal nga droga.
Kinuna ni Toralba nga iti lektiur ni Sarmineto ket nailawlawag met dagiti aramid nga it-ited ti linteg nga bukbuklen iti pannusa iti pananglabsing.
“Mainaig iti kampania ti gobierno kontra droga, impakita iti BCSAT ti suportana iti kampania baeten iti naisayangkat nga drug awareness kadagiti stakeholders,” kuna ni Arlene Cadalig, school administrator iti BCSAT.
Iti BCSAT laeng ti TESDA-administered technical-vocational (tech-voc) school sadiay Cordillera nga mangipapaay ti scholarships para tourism-related skills kas Bread and Pastry Production NC II, Bartending NC II, Food and Beverages Services NC II, Housekeeping NC II, Cookery NC II, ken Barista NC II.
Malaksid iti intelligence, eradication, ken buy-bust operations, mangisaysayangkat met iti PDEA-CAR iti orientasion para kadagiti saba-sabali nga sector ken pasdek a kas pamay-an nga ipakaammo ken maadalan ti publiko.
Kinuna ni PDEA-CAR Regional Director Edgar Apalla bayat iti gimong ti Regional Law Enforcement Coordinating Council nga adda kabuklan a 548 nga aktibidad mainaig iti demand reduction manipud Enero agingga Mayo daytoy a tawen iti naaramid.
 
PNA/PMCJr.-ABN