DOH PINAGANNADNA DAGITI AGTARTARAKEN ITI REHION TI ILOCOS KONTRA RABIES

April 4, 2022 Headlines

SIUDAD TI BAGUIO – Pinalagipan iti Department of Health Center for Health Development Ilocos Region (DOH-CHD-1) dagiti agtartaraken iti Rehion ti Ilocos a tratuenda dagiti tarakenda iti nadungngo ken naayat a panangaywan babaen iti panangpabakuna kadagitoy kontra iti rabies kalpasan a nairekord iti 92,631 a kagkagat iti animal idi 2021.
Imbaga ni DOH-CHD-1 medical officer Dr. Rheuel Bobis iti maysa a virtual presscon nga indanguluan iti Philippine Information Agency Ilocos Region idi Mierkoles, nga iti panagpabakuna kontra sakit a rabies para kadagiti aso ken pusa ket rebbeng a maaramid kada tawen.
Kinunana a kaaduan iti nairekord a kagkagat iti animal iti intero a Rehion ti Ilocos idi 2021 ket gapu iti aso. Imbaga ni Bobis a siam a kaskaso iti nailanad idi 2021, nga adda lima idiay Pangasinan, tallo sadiay Ilocos Sur, ken maysa iti La Union, bayat ng awan iti nairekord kaso iti rabies saduay Ilocos Norte.
Impagapona iti kaawan a kaso ti rabies iti rehion iti nainget nga implementasion iti local government unit kadagiti resolusion ken responsable a panangaywan iti animal dagiti agtartaraken.
Kabayatanna, imbaga ni Bobis nga itantandudo iti DOH-CHD-1 ti post-exposure prophylaxis injection para kadagiti nakagat iti animal tapno malappedan iti pannakaiyakar ti rabies.
Binalakadanna dagiti biktima nga ugasanda iti paset ti sabon ken agay-ayus a danum, kaluban daytoy, ken dagus a mapan iti animal bite treatment center iti lugarda. Pinakdaaran met ni Bobis iti publiko iti sabali a pamay-an iti makuna a panangagas iti nakagat a paset, kas iti panangtandok ken panagusar iti bawang ta dagitoy ket saan a natalged manipud impeksion ken mabalin a nakar-karo a maiwaras iti rabies.
Kinunana nga iti incubation period iti rabies ket tallo agingga uppat a tawen nga awan sintomasna. Nupay kasta, apaman nga agparang dagiti medikal a sintomas, daytoy ket naudin para iti biktima.
“Rabies is deadly but it is preventable (makapapatay iti rabies ngem mabalin a malapdan),” innayonna. Iti Marso ket rabies awareness month.
(HA-PNA Ilocos/PMCJr.-ABN)